آغا خان فاﺅنڈیشن ملک ئِ بازیں بھر آنی تہئَ وانگ ئُُ زانگ، جان سلامتی ئُُ کوچگی دیمروئی ئِ واستہ لائک ئِ توسیپ ازمت کنگ ئَ انت، فاﺅنڈیشن سندھ ئُُ گوریچانی دمگ آں ابید ملک ئِ ایندگہ بھر آنی دیمروئی کار انی تہئَ دست سُبک ،صدر مملکت ممنون حسین
اسلام آباد ۔ 08 دسمبر (اے پی پی) صدر مملکت ممنون حسین ئَ گوشت کہ پرنس کریم آغا خان میاں اوستمانی ایمنی ئُُ برجائی، یکوئی ئُُ سگ ئَ ابید پاکستان ئَ ھوار دُگنیا ئِ گیشتریں بھر آنی تہئَ بنی آدم آنی گہتری ئِ واستہ گران بھائیں ازمت کنگ ئَ اِنت۔ آئی ئَ اے گپ پرنس آغا خان ئَ گوں گپ ئُُ تران کنان ئَ گوشت اَنت آگوں وتی زال پرنس زہرا آغا خان ئَ ھمبرائی ئُُ ڈل ئِ ھمبرائی ئَ ایوان ئِ صدر ئَ صدر ئِ مملکت ئَ گند ئُُ نند کت۔ پرنس کریم آغا ایوان صدر ئَ سر بوت گڈا صدر ئِ مملکت ئَ آئی ئَ را وش اتک کت ۔ اے موہ ئِ سرئَ آئی ئَ را گارڈ آف آنر پیش کنگ بوت۔ گند ئُُ نند ئِ تہئَ وزیر ئِ مملکت ڈاکٹر طارق فضل چوہدری، سیکریٹری خارجہ تہمینہ درانی ئُُایندگہ ٹوھیں کارندہ ھم آئی ئِ ھمبراھ اتنت۔ صدر ئِ مملکت ئَ گوشت کہ آغا خان فاﺅنڈیشن ملک ئِ بازیں بھر آنی تہئَ وانگ ئُُ زانگ ، جان سلامتی ئُُ دیمرﺅی ئِ واستہ لائک ئِ توسیپی ازمت کنگ ئَ اِنت۔ آئی ئَ پرنس کریم آغا خان ئَ را دلگوش کنائینت کہ آئی ئِ فاﺅنڈیشن سندھ ئُُ گوریچانی دمگ ئَ ابید ملک ئِ ایندگہ بھر آنی تہئَ دیمروئی ئِ کار ئَ دست سبک بہ بنت اے گپ ئَ را مہمان آں تپاک کت۔ صدر ئِ مملکت ئَ 2005ئِ زمین چنڈ ئَ آغا خان فاﺅنڈیشن ئِ ازمت آنی توسیپ کت ئُُ گوشت کہ آئی ئِ پیرک سر سلطان محمد خان پاکستان ئِ جوڑیشت کار قائداعظم محمد علی جناح ئِ نزیکیں ھمبلاں چہ یک ات آئی ئَ تحریک ئِ آزاتی ئَ گران بھائیں ازمت کتگ اَنت۔ پرنس کریم آغا خان ئَ پاکستان ئَ وتی جوانیں وش اتک ئِ پد ئَ صدر ئِ مملکت ئِ شگر گپت ئُُ گوشت کہ جوانیں وش اتک ئِ پد ئَ من حکومت ئِ پاکستان ئُُ پاکستانی الس ئِ شگر ئُُ منت وار آں۔ آئی ئَ صدر ئِ مملکت ئَ را پاکستان ئَ آغا خان فاﺅنڈیشن ئِ آیوکیں باندات ئِ دیمروئی منصوبگ آں چہ سرپد کت ئُُ گوشت کہ آئی ئِ ادارگ پاکستان ئَ وانگ ئُُ زانگ ئِ بُرز ئُُ گہتری ئِ واستہ جوانیں ئُُ ٹوھیں منصوبگ دار ایت۔ اے رد ئَ آغا خان میڈیکل یونیورسٹی ئَ را یک سرجمیں یونیورسٹی ئِ بستار ئَ مٹ کنگ بیتت ایشی ئِ تہئَ نوکیں زمانگ ئِ لوٹ آئی رد ئَ نوکیں زمانگ ئِ زانشتی شوبگ برجا کنگ بیت۔ پرنس کریم آغا خان ئَ گوشت کہ آ پاکستان ئَ سیکنڈری ایجوکیشن ئِ کد ئُُ بالاد ئِ برزی ئِ واستہ ھم یک ٹوھیں منصوبگ ئِ دار ایت۔
