مزن وزیر شاہد خاقان عباسی ئِ بے نظیر انکم سپورٹ پروگرام ئِ بابت ئَ دیوان ئَ پنت ئُُ شون
اے ڈی بی، میاں اوستمانی بینک ، ڈی ایف آئی ڈی ئَ ھوار میاں اوستمانی برات ،کمکی ئُُ دیمروئی ادارگ آں پروگرام ئِ ساپ ئُُ سلہ ئی ئُُ نپ ئُُ سیت ئِ سرئَ دل یکیمی ئِ درشان کت، مزن وزیر ئَ را بریفنگ
اسلام آباد ۔ 08 دسمبر (اے پی پی) مزن وزیرشاہد خاقان عباسی ئَ بے نظیر انکم سپورٹ پروگرام (بی آئی ایس پی) ئَ را پنت ئُُ شون کت کہ پروگرام ئِ چیر دستی ئَ چہ نگدی زرّ رسوک آناں وتی روزگار کنگ ئِ بابت ئَ جوانیں ئُُ ٹوھیں گریجویشن ئِ گامگیجئَ را سہرا کنگ بہ بیت وھد ئِ بی آئی ایس پی ئِ واستہ انڈوومنٹ فنڈ ئِ برجائی ئِ منظوری ھم دات۔ آئیئَ اے گپ آدینگ ئِ روچ ئَ مزن وزیر کارگس ئَ بے نظیر انکم سپورٹ پروگرام ئِ بابت ئَ دیوان ئِ سروکی ئَ کنان ئَ گوشت۔ دیوان ئَ بی آئی ایس پی ئِ چیئرپرسن ماروی میمن، مزن وزیر ئِ سیکرٹری فواد حسن فواد، سیکریٹری بی آئی ایس پی عمر حامد خان ئُُ ایندگہ کلانئیں کارندہ آں بھر زوری کت۔ مزن وزیر ئَ بی آئی ایس پی ئِ چیر دستی ئَ نگدی زرّ ئِ پُجاری ئُُ وانگ ئُُ زانگ ئِ پروگرام آں ھوار بازیں گامگیج آنی بابت ئَ سرپدی کنگ بوت ئُُ انوگ ئَ تاں نگدی زرّ ئِ پروگرام ئَ چہ 56 لکھ ھاندان وھدیکہ وانگ ئُُ زانگ ئِ پروگرام ئَ چہ 18 لکھ زھگ ایشی ئَ چہ سیت کار بوتگ اَنت۔ مزن وزیر ئَ را گوشگ بوت کہ اے ڈی بی، میاں اوستمانی ئُُ بینک ئُُ ڈی ایف آئی ڈیئَ ھوارمیاں اوستمانی برات، کمکی ئُُ دیمروئی ادارگ آں بزگری ئِ ھلاسی ئُُ چاگرد ئِ بزگریں مردم آنی کمک ئِ واستہ پروگرام ئِ ساپ ئُُ تچکیل ئُُ نپ ئُُ سیت ئِ سر ئَ دل یکیمی ئِ درشان کت۔ دیوانئَ را گوشگ بوت کہ چار ضلع آنی تہ ئَ پائلٹ بھر ئُُ 10ضلع آنی تہئَ لوگ لوگ سروے ئِ کامیاتی سرجمی ئَ چہ پد راجی چاگردی ئُُ اقتصادی رجسٹری (این ایس ای آر) سروے فروری 2018ئَ ملک ئِ ایندگہ بھر آنی تہ ئَ بندات کنگ بیت ئُُ اے مئی 2018ئَ سرجم بیت۔ مزن وزیر ئَ بی آئی ایس پی ئِ واستہ انڈوومنٹ فنڈ ئِ برجائی ئِ منظوری دات ایشی ئَ چہ ایشی ئَ چہ کوھنیں مالی جیڈھ آنی گیواری ئِ رِچ دل یکیمی جوڑ بوھگ ئَ کمک رسیت ئُُ اے فنڈ سٹرکچر ئِ بابت ئَ بازیں دیمروئی منصوبگ آنی کمکاری ئِ ھاترا زرّ جم کنگ ئَ ھم کوپگ سہرا بیت۔
