مقبوضہ کشمیر ءَ بھارتءِ زُلم ءُ نہ ھکی ءِ پالیسی میاں اوستمانی بنی آدم ءِ ھکانی کانودءِ ھلاپ ورزی اِنت، آزاد کشمیر ءِ صدر سردار مسعود احمد خانءِ واشنگٹن ءَ ’’ ٹام لانٹوس انسانی حقوق کمیشن‘‘ ءِ عہدگ داراں گوں گپءُ تران

واشنگٹن ۔07دسمبر(اے پی پی) آزاد جموں ءُ کشمیر ءِ صدر سردار مسعود احمد خانءَ گشتگ کہ بنی آدم ءِ ھکانی میاں اوستمانی گل کشمیرءِ تہا بھارتءِ جاری زُلمءُ نہ ھکی ءِ سرءَ گامگیج چست بہ کن اَنت۔اے ھیالانی درشانی آئیءَ امریکی کانگریس ءِ ٹام لانٹوس انسانی ھکانی کمیشن ءِ سروکءَ گوں گندءُ نندءِ تہا کتگ۔ واشنگٹن ءَ کپیٹل ہل ءِ ترءُ تاب ءِ تہا صدر آزاد جموں کشمیر ءِ ڈیموکریٹک پارٹی ءِ کانگریس مین ءُ ٹام لانٹوس بنی آدم ءِ ھکانی کمیشن ءِ کو چیئرجم مکگووون ءَ وش اتک کتگ۔ سردار مسعود خان ءَ کمیشن ءِ حکام ءَ گوں گپ ءُ تران کنان ءَ گشتگ کہ بھارت ءَ مقبوضہ کشمیر ءَ ناشرکاریءُ زُلمءُ نہ ھکی ءِ دکان پچ کتگ۔ آئی ءَ گشتگ کہ مقبوضہ کشمیر ءَ بوھوکیں بنی آدم ءِ ھکانی ھلاپ ورزی آنی سرءَ میاں استمانی براتیءَ را پکر کنگ لوٹ ایت ءُ خطہ ءِ تہا ایمنءُ ایمنیءُ سلامتی ءِ ھاترءَ اثر مندیں گامگیج چست کنگ لوٹ ایت۔