اسلام آباد۔ 07دسمبر(اے پی پی) بنجاھی وزیر سیفران لیفٹیننٹ جنرل (ر) عبدالقادر بلوچءَ گشتگ کہ امریکی صدر ڈونلڈ ٹرمپ ءِ نیمگءَ چہ بیت المقدس ءَ را اسرائیل ءِ بنجاھی حکومت جوڈ کنگءَ یک نوکیں پساتے ءِ توم کِشتگ۔ پنچ شمبے ءِ روچءَ مزن گسءِ ڈنءَ ھال درءِ گوما گپءُ تران کنانءَ آئی ءَ گشتگ امریکی صدر ءِ ھلاپءَ سرجمیں دنیاءَ زارشانی کنگ بوھگءَ اِنت۔ بنجاھی وزیرءَ را گشتگ کہ بیت المقدس مسلمان آنی اولی قبلہ اِنت ایشیءَ چہ اسرائیل ءِ ایچ سیادی نیست، اے درس یک نوکیں پساتے چست کنگءِ ھاترءَ کنگ بوتگ۔ عبدالقادر بلوچءَ گشتگ کہ فلسطین ءِ جیڑھ نوک نہ اِنت، 73سال کون اِنت ، مسلم ملک آناں اے ھوالگءَ چہ وتی کرد پیلو کنگ لوٹ ایت۔
