اسلام آباد۔ 07 دسمبر (اے پی پی) پاک فضائیہ ئِ سروک ایئر چیف مارشل سہیل امان ئَ جے ایف 17 تھنڈر ئَ را راجی شرپ ئِ براھی چیدگ نامینان ئَ گوشت کہ پاک فضائیہ وت مستری ئِ سپر ئَ جاڑی دار ایت تانکہ مئے دیمپانی ازم ئِ تہئَ گیشی بہ بیت، پاکستنای اُلس ئُُ سلاھ بندیں اُرد آں ناشرکاری ئِ ھلاپ ئَ جنگ سک باز دلیری ئُُ دلبڈی ئَ دیم پہ دیمی کتگ ئُُ اے جنگ ئَ سک باز کربانی داتگ ایشیئِ سبب ئَ ملک ئَ چہ ناشرکاری زوت دل یکیمی ھلاس بوتگ۔ آ پنچ شمبے ئِ روچ ئَ ائیر یونیورسٹی اسلام آباد ئِ چیر دستی ئَ ائیر ٹیک کانفرنس ئُُ ٹیکنو شو ئِ بنگیجی مراگش ئَ گشتانک دیان ات۔ ائیر یونیورسٹی ئِ وائس چانسلر ائیر وائس مارشل (ریٹائرڈ) فائز امیر ھم اے موہ ئَ ساڑی ات۔ کانفرنس ئِ بنگیجی سیشن ئَ گشتانکار آں سائنس ئُُ ٹیکنالوجی ئِ بازیں بھر آنی سرئَ ھیال ریچی کت۔ پاک فضائیہ ئِ سروک ائیر چیف مارشل سہیل امان ئَ اے موہ ئَ گشتانک دات ئُُ گوشت کہ مئے ورنا آنی تہئَ بازیں ازمکاری است ایشیئِ بدولت ئَ مئے آیوکیں باندات سہرا اِنت۔ مئے ورنا آناں ایوکئَ جوانیں رھشونی ئِ پکار اِنت۔
