توکی کارانی وزیر احسن اقبال ئَ گوں متحدہ عرب امارات ئِ سفیر حمد عبید ابراہیم سالم الزابی ئِ گند ئُُ نند، اقتصادی ئُُ سکیورٹی کمک ئِ بابت ئَ جیڈھ آنی سر ئَ ھیال ریچی
اسلام آباد۔ 6 دسمبر (اے پی پی)توکی کارانی وزیر پروفیسر احسن اقبال ئَ گوں متحدہ عرب امارات ئِ سفیر حمد عبید ابراہیم سالم الزابی ئَ گند ئُُ نند کت ایشی ئِ تہئَ پاکستان ئُُ متحدہ عرب امارات ئِ نیام ئَ اقتصادی ئُُ سیکورٹی کمک ئِ بابت ئَ جیڈھ آناں باست ئُُ واست کنگ بوت۔ توکی کارانی وزیر ئَ گوشت کہ پاکستان ئُُ متحدہ عرب امارات ئِ نیام ئَ کوھنیں ئُُ راجدپتری یکوئی ئُُ اقتصادی کمک ئِ بنیات ئِ سرئَ انت۔ آئیئَ گوشت کہ اقتصادی کمک وت مہہ وتی یکوئی ئِ را گیش مھکم کنگ ئَ کلیت ئِ بستار ئَ دار ایت۔ توکی کارانی وزیر ئَ گوشت کہ گوستگیں چار سال آنی تہئَ 10,000میگاواٹ توان ئِ شوبگ ئَ ھوار بوتگ، گوزوکیں سال ئَ ما 6درسد نمبگ ئَ سر بوھگ ئَ کامیات باں۔ آئیئَ گوشت کہ پاکستان ئِ 80ملین ئِ آباتی نیامی درجگ ئِ مردم آنی سرئَ اِنت ایش سرمایہ کار آنی دلگوش انت، مئے آیوکیں باندار ئِ دار ئُُ مدار آیوکیں باھند آنی علمی دیمروئی ئِ سرئَ اِنت۔ آئی ئَ گوشت کہ سی پیک آیوکیں وھد ئَ پڑ ئَ وت مہ وتی ئِ رابطہ ئِ وسیلگ بیت۔ وزیر ئِ توکی کار ئَ گوشت کہ متحدہ عرب امارات ئِ گوما رابطہ ئَ را اقتصادی کمک ئِ نوکیں جھت آنی سر ئَ مھکم کنگ ئِ واھشت مند اِنت۔ گند ئُُ نند ئَ سیکورٹی کمک ئَ را گیش زور دیگ ئِ واستہ کوشست کنگ ئِ سرئَ ھم تپاک کنگ بوتگ۔ متحدہ عرب امارات ئِ سفیر ئَ سی پیک ئُُ اقتصادی کار آنی ھوالگ ئَ وزیر ئِ توکی کار ئُُ منصوبگ بندی ئِ اِزمت آناں ساڑات ئُُ ایشانی توسیپ کت۔
