اسلام آباد۔ 5 دسمبر (اے پی پی) بُنجاھی وزیر منصوبگ بندی،دیمروئی توکی کار احسن اقبال ئَ گوشت کہ جندی شوبگ آناں چین پاکستان اقتصادی راہداری ئِ چیر دستی ئَ دیمروئی ئِ تہئَ تُرندی آرگ ، درملکی سرمایہ کاری ئِ نیمگ ئَ دلگوش دیگ ئِ ھاترا فریم ورک ئُُ بازیں موہ آنی وسیلگ ئَ یکجائی منصوبگ بندات کنگ ئِ ھاترا وتی کرد ئَ را پیلو کنگ لوٹیت۔ اے ھیالانی درشانی آئی ئَ سئے شمبے ئَ ادا ایس ڈی پی آئی ئ، چیر دستی ئَ مھکمیں دیمروئی ئِ بابت ئَ کانفرنس ئَ گوں گشتانک دیان اَت۔ آئی ئَ گوشت کہ تاجر برات چین پاکستان اقتصادی راہداری ئِ چیر دستی ئَ کاروباری موہ ئَ سرمایہ کاری بہ کن اَنت۔ صنعت آںی بنیاتی کوکا آنی تہئَ گہتری آرگ لوٹیت ئُُ ویلیو ایڈ ڈ صنعت ئِ سرئَ دلگوشی دیگ بہ بیت ایشی ئَ چہ میاں اوستمانی معشیت ئِ تہئَ یکجائی تجارت ئِ واستہ پلیٹ فارم پجاری بیت۔ آئیئَ گوشت کہ مرچی پاکستان 2013ئِ پاکستان ئَ چہ سک باز گہتر اِنت، وھد ئِ معشیت جھل کپگ ئَ اِنت، ھندی صنعت تقریباََ بند اتنت ئُُ ھمک روچ 18ئَ چہ 20کلاک لوڈشیڈنگ بوتگ۔ آئی ئَ گوشت کہ سی پیک ئَ چہ پاکستان ھاٹیگ ئِ ھما بوتل ئِ تہءَ بند کنگ ئَ کامیات بوتگ وھدیکہ ٹرانسپورٹ انفراسٹرکچر ئَ گہتری کاریت۔ انوں اے رد پاکستان ئِ صنعتی کمک ئَ ھور کپگی اِنت۔ بُنجاھی وزیر ئَ گوشت کہ پاکستان معاشی دیمروئی ئِ کشک ئَ رھادگ اِنت ئُُ 2030ئَ تاں اے 20مزنیں معشیت آنی تہئَ ھوار کپیت۔ نمبگ ئِ کساس 10سال ئِ بُرزتریں نمبگ 5.3درسد اِنت، اگاں ملک ئَ ھمے جاور بوت اَنت گڈا گوزوکیں مالی سال ئِ گڈ ئَ نمب 6درسد ئَ چہ ود ایت۔
