پاکستان ءُ ترکی ئِ درنیامئَ بازیں پڑآنی تہا سیادی گشادی ئِ گوما مھکم بوھگئَ اَنت
اسلام آباد۔05دسمبر(اے پی پی) ترکی ئَ پاکستانئِ سفیر سائرس سجاد قاضی ئَ گشتگ کہ پاکستانءُ ترکی ئِ درنیامئَ بازیں پڑآنی تہا براتیں سیادی گشادیئِ گوما مھکم بوھگئَ اَنت، پاک ترک سیادی ئِ ھوالگئَ نیشنل سکول آف پبلک پالیسی ئِ 107می نیشنل مینجمنٹ کورس ءِ باسکاناں شونشت داتگءُ پاکستانی سفیر ئَ گشتگ کہ دوھیں ملک آنی در نیامئَ بازیں پڑآنی تہا براتیں سیادی گشادی ئِ گوما دیما رﺅگئَ اَنت۔ آئیئَ کورسئِ باسکاناں پاک ترک دیریگیں سیادی ءُ سیاسی ، اقتصادی ، زرکاری دیمپانی ، دودءُ ربیدگ وانگءُ زانگ ئَ ھوار دراھیں پڑآنی تہا سیادی ئِ تہا باز گہتری ئَ چہ ھم سرپد کتگ۔ آئی ئَ گشتگ کہ پاکستان ترک براتیں سیادی ئَ را مھکمیں شریداری ئِ تہا مٹ کنگئِ ھاترئَ کوشست جاری انت۔ آئیئَ گشتگ کہ پاکستان ترکی ءِ حکومت ئِ نیمگئَ چہ گوستیں 15سالانی تہا اُلسی پلاحءُ گہبودی منصوبہ آنی سرئَ عملدرآمد ئِ تجروبتا چہ پاھدگ چست کُت کن اَنت۔ پاکستانی ڈل تاں دسمبر ئَ ترکیئِ ترءُ تاب ئَ اِنت۔
