اسلام آباد۔05دسمبر(اے پی پی) آزاد کشمیر ئِ صدر سردار محمد مسعود خانئَ گشتگ کہ بے کشمیرئَ پاکستان نہ سرجم اِنت ءُ کشمیر ئِ تہا پاکستان ئِ مزنیں پجّارے ، دوھیں یکے دومی ئِ ھاترئَ المی اَنت، یک پریس ریلیز ئِ ردئَ آ واشنگٹن ئَ پاکستانی سفارت خانہ ئِ تہا پاکستانی امریکن کمیونٹی ئَ گو ں تران کنگ بوتگ۔ ایشی ئَ چہ پیسر امریکہ ئَ پاکستانئِ سفیر اعتزاز احمد چوہدری ئَ پاکستانی امریکی نندوکیں مردمانی نیمگئَ چہ سردار مسعود خان ئَ را وش اتک کتگءُ میاں اوستمانی فورم ئِ سرئَ کشمیرئِ جیڑھئَ را پدّر کنگ ئِ ھاترئَ آئیئِ کوشستاناں ساڑاتگ۔ آئی ئَ گشتگ کہ بھارتئِ گورئَ ایشی ئَ ابید دگہ ایچ راھ نیست کہ آ کشمیر ی آنی لوٹاں بہ من ایت ۔ کشمیر ی آنی قربانی مپت نہ بنت۔
