اسلا م آباد۔05دسمبر(اے پی پی) سرجمیں ملک ئَ نندوکیں رجسٹرڈ نہ بوتگیں اوگان لڑءُ باریانی رجسٹریشنئِ عمل جاری اِنت ، تاں انوں 4لکھ 81ہزار اوگان لڑءُ بار کنوک رجسٹرڈ کنگ بوتگ اَنت۔ سی سی آر ئِ ھال درئِ ڈائریکٹر ئَ سئے شمبے ئِ روچئَ اے پی پی ئِ گوما گپءُتران کتگءُ گشتگ کہ سرجمیں ملک ئِ تہا نندوکیں گیر رجسٹرڈ اوگان لڑءُ بار کنوکیں مردمانی رجسٹریشن کنگئِ عمل جاری اِنت کہ تاں 31دسمبر2017ئَ جاری بیت۔ آئی ئَ گشتگ کہ رجسٹریشن ئِ موھئَ سیفرانئِ وزارت ءُ پاکستانئِ تہا اوگانستانئِ سفارت خانہ ئِ حکام ھم ساڑی بنت کہ رجسٹرڈ نہ بوتگیں مردمانی پجّا ر کنگئَ پد رجسٹریشن ئِ پرایسس ئِ ھاترئَ کلیئر کن اَنت۔ آئیئَ گشتگ کہ رجسٹرڈ نہ بوتگیں اوگان لڑءُ بار کنوکانی رجسٹریشن ئِ عمل تاں 31دسمبر2017ئَ جاری بیت۔
