اسلام آباد۔ 4 دسمبر (اے پی پی) وزیر مملکت برائے اھوالکاری ئُُ شنگ کاری ئُُ راجی مڈی مریم اورنگزیب ئَ گوشت کہ یک نیمگ ئِ مسلم لیگ (ن) ئُُ محمد نواز شریف ئِ ملک ئَ چہ کوراسی آنی ھلاسی ئِ کول ئُُ کرار آنی سرجمی ئُُ دومی نیمگ ئَ پارلیمنٹ ئُُ ادارگ آناں زاھ ئُُ بد دیوک انوگ ئَ تاں کنٹینر ئِ سرئَ اوشتاتگ ئُُ انوگ ئَ تاں ھمازبان ئَ کارمرد کنگ ئَ اِنت۔ دو شمبے ئَ اسلام آباد ئَ کیاسگری آمید گس ئِ ڈن ئَ تران کنان ئَ وزیر ئِ مملکت ئَ گوشت کہ پیسریگیں مزن وزیر محمد نواز شریف ئُُ مسلم لیگ (ن) ئَ وطن ئَ را چہ کوراسی آنی تہئَ در کنگ ئِ سوگند کتگ بوتگ ئُُ زیک شما اِشکت کہ لوڈشیڈنگ ئِ جار جنگ بوتگ ئُُ اے سوگند سرجم کنگ بوتگ ۔ ھمینچو پاور جنریشن مسلم لیگ (ن) ئِ اے دور ئُُ باریگ ئَ بوتگ راجدپتر ئَ ایشی ئِ درور نہ رسیت۔ آئیئَ گوشت کہ دسمبر 2013ئَ توان ئِ پیداک بوھگ 9279میگاواٹ بوتگ وھدیکہ توان ئِ لوٹ 11ہزار 799میگاواٹ بوتگ، دسمبر 2017ئَ توان ئِ پیداک بوگ 16 ہزار 477میگاواٹ اِنت وھدیکہ توان ئِ ھواریں رنگ ئَ لوٹ 14ہزار 17میگاواٹ اِنت۔ آئیئَ گوشت کہ چار سال ئِ ساھت ئَ ملک ئَ توان ئِ پیداک بوھگ ئَ 7465میگاواٹ ئِ گیشی کنگ بوتگ۔ وزیر ئِ مملکت مریم اورنگزیب ئَ گوشت کہ وھد ئِ کہ ما پاور پراجیکٹس جنگ ئَ اتنت گڈا یک مردم ئِ ”دھرنا“ دیگ ئَ اَت، آ کنٹینر ئِ سرئَ اوشتاتگ اَت، آ پارلیمنٹ ئِ سرئَ اُرش کنگ ئَ اَت، آ اسلام آباد ئَ را لاک ڈاﺅن کنگئِ گپ ئَ کنگ ئَ اَت، آ ادارگ ئُُ کانود ئَ ارا زاھ ئُُ بد دیگ ئَ اَت۔ مرچی ھم ھما مردم ھما رنگ ئَ کنٹینر ئِ سرئَ اوشتاتگ ئُُ ھما زبان ئَ کارمرد کنگ ئَ اِنتت ئُُ دومی نیمگ ئَ مسلم لیگ (ن) ئُُ محمد نواز شریف ئِ راج ئَ گوں کتگیں کول ئُُ کرار آنی سرجمی بوھگ ئَ اِنت۔
