اسلام آباد۔ 4 دسمبر (اے پی پی) مسلم لیگ (ن) ئِ مرکزی مجلس عاملہ“ ئَ پارٹی سروک محمد نواز شریف ئِ سروکی ئَ سرجمی ئَ دل یکیمی ئِ درشان کنان ئَ اے جزم ئِ درشان کت کہ آیوکیں گچین کاری ئَ سرجمیں ئَ دیم پہ دیمی کن آں۔ مجلس ئِ عامہ ئِ دیوان دو شمبے ئَ اسلام آباد ئَ پارٹیئِ صدر محمد نواز شریف ئِ سروکی ئَ برجم دارگ بوت ایشیئِ تہئَ مرکزی مجلس ئِ عاملہ ئِ باسک آں بھر زوری کت وھدیکہ دیوان ئِ ساھت ئَ آیوکیں سال ئِ گچین کاری ئِ بابت ئَ ھیال ریچی کنگ بوت۔ دیوان ئَ پیسلہ کنگ بوت کہ اُلس ئِ جھلی تک ئَ روگ ئُُ جلسہ ئُُ مچی آنی برجا کنگ بیت۔ مجلس ئِ عاملہ ئِ دو باسک سپیکر قومی اسمبلی سردار ایاز صادق ئُُ برجیس طاہر وتیی سرکاری دزگٹی آنی سبب ئَ دیوان ئَ بھر زوری ئِ کت نہ کت وھدیکہ اسحاق ڈار وتی جان سلامتی ئِ ھاترا لندن ئَ بوھگ ئِ سبب ئَ شریک نہ بوت۔ پارٹی ئِ مرکزی سیکریٹری اھوالکاری ئُُ شنگ کاری میڈیا ئِ دیون ئَ پد گوشگ بوت کہ مرکزی مجلس عاملہ“ ئَ نواز شریف ئِ سروکی ئَ سرجمی ئَ دل یکیمی ئِ درشان کت۔ دیونا ءِ ساھت ئَ آیوکیں سال ئِ لس گچین کاری ئِ بابت ئَ اُلسی نزیکی ئِ گامگیج آنی سرئَ ھیال ریچی کنگ بوت۔ اے موہ ئِ سر ئَ مشاہد اللہ خان ئَ گوشت کہ مسلم لیگ (ن) ئَ گوستگیں لس گچین کاری ئَ ملک ئَ چہ لوڈ شیڈنگ ئُُ ناشرکاری ئِ ھلاسی ئُُ معشیت ئِ برجائی ئِ کول ئُُ کرار کتگ بوتگ۔ مرچی ھمک مردم گندگ ئَ انت کہ ملک ئَ ناشرکاری ئِ واکیہ آنی تہ ئَ مزنیں کمیگ ئِ بوتگ۔ لوڈشیڈنگ تکریباََ ھلاس بوتگ ئُُ معیشیت مھکمیں کشک ئَ روادگ اِنت۔
