اسلام آباد۔04دسمبر(اے پی پی ) پیپلز پارٹی ئِ سینیٹر سحر کامران ئَ امریکی دیمپانی ئِ وزیر جیمز میٹس ئِ نیمگئَ چہ اوگانستان ئَ 28نومبرئَ داتگیں بیانئِ سرئَ دری کارانی وزارت ئِ نیمگئَ چہ اے بھتانی سرئَ پاکستانئِ ردعمل ئَ چہ سرپد کنگئِ ھاترئَ دلگوشی کنگئِ نوٹس جم کتگ کہ آئی ئِ تہا گشگ بوتگ کہ امریکی دیمپانی ئِ وزیر ئَ وتی بیانئِ تہا گشتگ کہ آئیئَ عسکریت پسند آنی ھلاپئَ پاکستان ئِ کمک ئِ تہا تاں انگت مٹءُ بدلی نہ دیستگ۔ دلگوشی کنگئِ نوٹس ئِ تہا سحر کامران ئَ گشتگ کہ اے پاکستان ئِ سرئَ ترندیں بھتان اَنت کہ آ پیسرئَ چہ ناشرکاری ءُ بیم کاری ئِ آماچ اِنت۔ دری کارانی وزیر ئَ اے ھوالگئَ چہ ایوان بالا ئَ را پاکستانئِ نیمگئَ چہ رد عمل ئَ چہ سرپد بہ کنت۔
