حکومت ئِ سرجمیں ملک ئَ چہ 5297 فیڈرز ئَ چہ توان ئِ لوڈشیڈنگ سرجمی ئَ ھلاس کنگ ئِ جار، مسلم لیگ (ن) ئَ چار سال ئُُ نیم ئِ ٹوھیں جُھد ئُُ کوشست ئِ وسیلگ ئَ کوراسی آناں ھلاس ئُُ ملک ئِ دیمروئی ئُُ وشھالی ئِ کشک ئَ گواچنی رنگ ئَ تیلانک داتگ، اے وھد ئَ ملک ئَ 2ہزار میگاواٹ ئَ چہ گیش توان پیداک بوھگ ئَ اِنت، مئے کراّ اے وھد ئَ لوٹ ئَ چہ گیش توان است اِنت، انچیں دمگ کہ آھودار توان دُزی کنگ بیت آھودا سسٹم ئَ گیش توان بوھگ ئَ ابید لوڈشیڈنگ ئِ رپک اَنگت برجا دارگ بیت، استیں حکومت ئَ توان ئِ پیداوار ئِ بازیں منصوبگ آناں سرجم کتگ
اسلام آباد ۔ 3 دسمبر (اے پی پی) بُنجاھی وزیر پاور ڈویژن سردار اویس احمد لغاری ئَ سرجمیں ملک ئَ چہ مرچی دو شمبے ئَ 5297فیڈرز ئَ توان ئِ لوڈشیڈنگ ئِ سرجمی ئَ ھلاس کنگ ئِ جار جتگ ئُُ گوشتگ کہ پاکستان مسلم لیگ (ن) ئَ چار سال ئُُ نیم ئِ ٹوھیں کوشست کتگ نا ایوک ئَ ملک ئَ را چہ کوراسی آنی تہئَ در کنگ بیت بلکینگ ئَ ملک دیمروئی ئُُ وشھالی ئِ کشک ئَ رھادگ بیت، اے وھد ئَ ملک ئَ 2 ہزار میگاواٹ ئَ چہ گیش توان پیداک بوھگ ئَ اِنت، مئے کرا اے وھد ئَ لوٹ ئَ چہ گیش توان است اِنت، انچیں دمگ کہ آھودا توان دُزی کنگ بیت آھودا سسٹم ئَ گیش توان است بلے ایشی ئَ ابید لوڈ شیڈنگ ئِ رچ جاڑی دارگ بیت۔ ایشی ئِ واستہ ڈسکوز ئُُ توامیں ضلوری گامگیج کنت ئُُ کانود ئِ رد ئَ کاروائی کنت ایشی ئَ چہ مارا وتی آسر ئَ سر بوھگ ئَ کمک رسیت، استیں حکومت ئَ نا ایوک ئَ توان ئِ پیداک بوھگ ئَ بازیں منصوبگ آناں سرجم کتگ بلکینگ ئَ بازیں منصوبگ اے وھد ئَ چار ئُُ بچار ئِ تہ ئَ اَنتایشی ئَ چہ سسٹم ئَ توان ئِ تہئَ گیشی ئَ کمک رسیت۔ اے ھیالانی درشانی آئیئَ یک شمبے ئِ روچ ئَ پریس کانفرنس ئَ گشتانک ئِ تہئَ کنان اَت۔ بُنجاھی وزیر ئَ گوشت کہ منا مرچی سک باز وشی سما بوھگ ئَ اِنت استیں حکومت ئَ پاکستان مسلم لیگ (ن) ئِ سروکی ئَ ھمک شوبگ ئِ کامیاتی در جتگ ئُُ چار سال ئُُ نیم ئِ پند ئَ ٹوھیں کوشست آنی وسیلگ ئَ ملک ئَ را چہ کوراسی ئَ در کتگ ، بلکینگ ئَ ملک ئَ را دیمروئی ئُُ وشھالی ئِ کشک ئَ رھادگ کتگ۔ من اللہ پاک ئِ شگر ئَ گران ئَ اے جار ئَ جناں کہ مئے کرا سسٹم ئَ مئے لوٹ ئِ دیم پہ دیمی ئَ 2700میگاواٹ گیشیں توان است اِنت۔ آئیئَ گوشت کہ مسلم لیگ (ن) ئِ حکوت 2013ئَ سعروکی ئَ اتکگ گڈا ملک ئَ توان ئِ پیداک بوھگ، لوٹ ئُُ پُجاری، ئُُ لوڈشیڈنگ ئِ جاور ھال چے بوتگ اَنت۔ دسمبر 2013 ئَ توان ئِ پیداک 9279میگاواٹ بوتگ وھد یکہ توان ئِ لوٹ 11799میگاواٹ بوتگ ئُُ 2520میگاواٹ توان ئِ کمیگ ئِ سبب ئَ کم چہ کم 8ئَ چہ 10کلاک ئِ لوڈ شیڈین بوتگ، دسمبر 2017ئَ ما 7465مگاواٹ ئَ چہ گیش توان پیداک کتگ ئُُ اے وھد ئَ لوٹ ئِ دیم پی دیمی ئَ 2727میگاواٹ گیش توان ساڑی اِنت۔ آئی ئَ گوشت کہ توان ئِ پیداک کنگ ئِ بازیں منصوبگ سرجمیں ئِ بھر آنی تہئَ اِنت گرماگ ئِ موسم 2018ئَ چہ پیسر کساس 4000میگاواٹ توان سسٹم ئَ ھوار کناں۔ 2017ئِ گرماگ ئِ موسم ئَ 24000میگاواٹ لوٹ ئِ رد ئَ مئے کرا سسٹم ئَ 20000میگاواٹ ریکاٹ توان پیداک بوتگ۔ وھدیکہ جاڑیگیں منصوبگ آنی سرجمی ئَ چہ اے پیداک 25000میگاواٹ ئَ تاں سر بیت۔ آئیئَ گوشت کہ مئے کرا اے وھد ئَ لوٹ ئَ چہ گیش توان است اِنت گڈا ما لوڈ شیڈنگ ئَ ھلاس کت کن آں۔ آئی ئَ گوشت کہ اگاں مئے سسٹم ئَ گیش توان است پدا ھم دُز ی ئُُ تاوان ئِ سسب ئَ ما گیش تاوان بار والا فیڈر ئَ لوڈشیڈنگ کنگ ئَ مجبور آں۔ ھرچُند کہ اے فیڈر آنی تاوان ئِ یک ھاسیں درسد ئِ ئے تہئَ کئیت گڈا لوڈشیڈنگ ئَ کم کن آں، مئے اِے ھم مول ئُُ مراد اِنت کہ توان ئِ ھرچ کنوک ئُُ بلئِ دیوک ئُُ دُزی کنوک آنی گر ئُُ دار ئِ گامگیج کنگ بہ بیت تانکہ توان ئِ جوانی ئَ پُجاری بہ بیت۔ اے رد ئَ توان ئِ ھرچ کنوک آں گوں ااپیل کناں کہ مئے گوما ھمبراہ داری بکن آں بل آن وھد ئُُ پاس ئِ سرئَ جم کن اِت توان ئِ دُزی کنوک آنی ھلاپ ئَ مئے ھمبراھ داری ئَ بکن ات تانکہ اے دمگ آنی تہئَ توان یک شل بہ بیت۔ بُنجاھی وزیر ئَ گوشت کہ اے یات دارگ المی اِنت کہ ملک ئَ گیشیں توان ئِ استی ئَ ابید دُزی کنوک، بل آنی وھد ئُُ پاس ئِ سرئَ جم نہ کنوک، ئُُ ایندگر کانود ئَ چہ درئیں چست ئُُ ایر کنوک آںی لاسسنز مھتل کنگ بوھگ ئَ اَنت ئُُ ھما فیڈر ئَ کہ لاسسز گیش اَنت آھودا مارا لوڈشیڈنگ کنگ کپگ ئَ اِنت۔ توان ئِ دُزی ئَ چہ لائین لاسسز ئَ بچگ ئِ ھاترا ما نہ ایوک ئَ ڈسکوز ئِ پڑ ئَ تُرندی ئَ پیسلہ کنگ ئَ آں بلکینگ ئَ توان ئِ کارمرد کنوک آناں دُز آنی ایراد گری کنگی اِنت، آئی ئَ گوشت کہ سرجمیں ملک ئَ چہ 4دسمبر ئَ 5297فیڈرز ئَ توان ئِ لوڈشیڈنگ سرجمی ئَ ھلاس کنگ ئِ جار جن آں ایشی ئِ نتیجگ ئَ کم چہ کم 14.915ملین توان کارمرد کنوک آناں چار دسمبر شپ ئِ 12بج ئَ پد لوڈشیڈنگ ئَ چہ شید ئُُ بید کنگ بیت۔ اے رد ئَ کوچگ ئُُ شہر آنی سیل ئُُ سواد آناں ھلاس کنگ بوتگ۔ آئی ئَ گوشت کہ سرجمیں ملک ئَ اے وھد ئَ 2700میگاواٹ ئَ چہ گیش توان سسٹم ئَ ساڑی اِنت ایشی ئِ سبب ئَ توامیں فیڈرز آں چہ لوڈشیڈنگ ھلاس کنگ ئِ پیسلہ کنگ بوتگ آھودا لائن لاسز نیست اِنت۔ 4 دسمبر ئَ چہ لےسکوئِ 1227، گیپکو ئِ 748فےڈرز، فیسکوئِ 896 ، حیسکو ئِ 204 فےڈرز، سیپکو ئِ 24 فےڈرز، کیسکوئِ 61 فےڈرز، آئیسکو ئِ 710 فےڈرز، میپکو ئِ 763 فےڈرز، پیسکو ئِ 309 فےڈرز ، ئُُ ٹیسکو ئِ 29 فےڈ رز ابید مھتلی ئَ توان بُجارین اَنت آئی ئَ گوشت کہ مرچی اے جار استیں حکومت ئِ کتگیں سوگند ئُُ کرار آنی یک کڑی اِت ایشی ئِ تہئَ ما نا ایوک ئَ لوڈ شیڈنگ ئِ گر ئُُ دار کنگ ئِ جزم کتگ بلکینگ ئَ پیداک بوھگ ئَ را گیش کنگ ئِ بازیں منصوبگ آنی تران ھم کتگ بوتگ۔ استیں حکومت ئَ توان ئِ پیداک بوھگ ئِ بازیں منصوبگ آنی سرجمی کتگ۔ اے وھد ئَ بازیں منصوبگ آنی سرئَ چار ئُُ بچار کنگ بوھگ ئَ اِنت ایشی ئَ چہ سسٹم ئَ توان ئِ گیش بوھگ ئَ کمک رسیت۔ ما وتی سبزکرابرز آں چہ دزبندی کناں کہ لوڈشیڈنگ ئِ سر ئَ گر ئُُ داری ئِ ھاترا مئے گوما ھمبراہ داری بکن اِت، وتی توان ئِ بل آں وھد ئُُ پاس ئِ سر ئَ بدیت، توان ئِ میٹر آں بجن ات ئُُ وتی دمگ ئَ توان ئِ دُزی کنوک آناں نشان بدیت۔ تاکہ ما وتی ملک ئَ چہ لوڈ شیڈنگ ئِ ھلاسی ئَ بکن اَنت۔ یک جُستے ئِ پسو ئَ بُنجاھی وزیر ئَ گوشت کہ اووربلنگ ئِ بابت ئَ کانود جوڑ کنگ ئَ آں، گیش بلنگ ئِ سبب ئَ کیز بندگ بیت۔ آئیئَ گوشت کہ دو ئَ چہ سئے ماہ ئَ پد آشوبی پرک گندگ ئَ کئیت، توان ئِ دُزی ئِ بابت ئَ کانود جوڑ کتگ، صوبائی حکومت ئَ گوں اے بابت ئَ گپ ئُُ تران کنگ ئَ روگ ئَ آں تانکہ دُز آنی کساس ئَ را کم کنگ بہ بیت۔ آئیئَ گوشت کہ ما ویب سائٹ جوڑ کتگ آھودا توان ئِ پیداک بوھگ ئُُ ھرچ ئِ ھوالگ ئَ ھمروچگیں بنیات ئَ سرپدی پُجارینگ بیت۔
