اسلام آباد۔یکم دسمبر(اے پی پی) تہی کارانی وزیراحسن اقبال ءِ زرعی مزن شاہ دربرجاھ ڈائریکٹوریٹ ءِ سرءَ ناشرکاری ءِ اُرش ءَ را ایر جتگ، شہید ءُ ٹپیگ بوتگیں مردمانی ھانداناں گوں دلپدردی ءِ درشان کت۔ جمعہ ءِ روچءَ وتی ایر جنگی بیانءِ تہا تہی کارانی وزیرءَ پشاور ءَ زرعی مزن شاہ دربرجاھ ڈائریکٹوریٹ ءِ سرءَ ناشرکاری اُرش ءَ را سک باز ایر جتگ۔ تہی کارانی وزیر ءَ اُرشءِ تہا شہیدءُ ٹپیگ بوتگیں مردمانی ھانداناں گوں ھمدردی ءِ درشانی کتگ۔ تہی کارانی وزیر ءَ گشتگ کہ ناشرکاری ءِ لگوریں مول ءُ مراد سوبمند نہ بنت ءُ ایشاناں پروش دیئگ ءَ سرجمیں راج مھکم اِنت ، سیکورٹی ادارگ آں وھدءِ سرءَ کاروائی کتگءُ مزنیں تباھیءَ چہ ملک ءَ را رکھینتگ۔ آئیءَ گشتگ کہ ناشرکارانی اسلام ءَ گوں ایچ سیادی نیست، ناشرکار ملک آنی تہا تکانسری پیداک کنگ لوٹ اَنت۔
