اسلام آباد۔29نومبر(اے پی پی) منصوبہ بندی ءُ دیمروئی ءُ اصلاھات ءِ وزارت ءَ گوادر دھکہ ءِ ھوالگءَ پورٹ آف سنگاپور اتھارٹی میاں اوستمانی ( پی ایس ا ے آئی ) ءَ چہ 2007ءَ منءُ گرءِ ھوالگءَ بے بُن ءُ دروگیں ھالانی شنگ کنگءَ را سک باز ایر جتگ ءُ گشتگ کہ پی ایس اے آئی منءُ گر ءِ ردءَ تاں2013دیمروئی ءِ کار کنگءَ سوبمند نہ بوتگ۔ پلاننگ کمیشن ءِ حکام ءِ گشگءِ ردءَ گوادر دھکہ ءِ انتظامءَ را دیمءَ بروکیں انوگیں کمپنی چائنہ اوورسیز پورٹس ہولڈنگ ( سی او پی ایچ سی ) ءَ 2013ءَ حکام ءَ چہ بیپاری جیڑھ ٹھینتگ اَنت ءُ من ءُ گرآنی تہا ایچ وڈیں مٹءُ بدلی نہ کتگ۔ آئیءَ گشتگ کہ گوادر ءَ فری اکنامک زون 23سد ایکڑ رقبہ ءِ سرءَ جوڈ کنگ بوھگءَ اِنت ۔ آئیءَ گشتگ کہ سرجمیں منصوبہ بی او ٹی ءِ سرءِ کمپنی جوڈ کنگ ءُ ایشی ءِ سرءَ کمپنی 5ارب ڈالر ءِ زرکاری کنگءَ اِنت۔ حکامءَ گشتگ کہ کمپنی 2048ءَ تاں دھکہ ءِ اانتظامءَ دیمءَ بارت کہ ایشی ءَ پد دراھیں آسراتی گوادر پورٹ اتھارٹی ءِ دستءَ بنت وھدے کہ اے وھدءَ دھکہ ءِ مُچ کٹءُ کمائی ءَ چہ جی پی اے ءَ را 9درسد وھدے کہ دگہ بندوکیں بیپار ءِ کٹءُ کمائی ءَ چہ 15درسد رسیت۔
