سوہان انٹر چینج ءِ سرءَ تعمیراتی کار 31دسمبر، کھنہ انٹرچینج ءِ سرءَ تاں فروری 2018ءَ سرجم کنگ بیت
اسلام آباد۔29نومبر(اے پی پی) فیض آباد دھرنہ ھلاس کنگءَ پد اسلام آباد ایکسپریس وے ءِ سوہان ءُ کھنہ انٹر چینجر ءِ سرءَ تعمیراتی کار چارشمبے ءِ روچءَ بندات بوتگ۔ سی ڈی اے ءِ حکام ءَ ’’ اے پی پی‘‘ ءَ را ھال داتگ کہ فیض آباد دھرنہ ھلاس کنگءَ پد آھودہ سپائی ءِ کار بندات کنگ بوتگ، سپائی ءَ پد کھنہ ءُ سوہان انٹر چینجر ءِ سرءَ تعمیراتی کارتاں 31دسمبر ءَ سرجم بیت کھنہ انٹرچینج فروری 2018ءَ سرجم بیت۔ حکام ءِ گشگءِ ردءَ چیئرمین سی ڈی اے میئر اسلام آباد شیخ انصر عزیز ءِ پنتءُ شون ءِ سرءَ دوھیں انٹر چینجز ءِ سرءَ کاروتی وھدءَ سرجم کنگ بیت۔ اے منصوبہ آنی سرءَ 2ارب کلدار ءِ ھرچ کیئت۔ آئیءَ گشتگ کہ اسلام آباد ایکسپریس وے منصوبہ ءِ ردءَ اولی بھرءِ تہا سی ڈی اے ءَ زیروپوائنٹ ءَ چہ فیض آبادءَ تاں روڈ ءِ پراھ کنگءُ کرال انٹر چینج ءِ سرءَ تعمیراتی کار وھدءِ سرءَ مدت سرجم کنگ بوتگ۔ آئی ءَ گشتگ کہ سوہان انٹر چینج ءِ سرءَ ھم تعمیراتی کار وھدءِ سرءَ سرجم کنگ بیت۔
