اسلام آباد۔28نومبر(اے پی پی) مزن وزیر شاہد خاقان عباسی ئِ بجلی بھر ءُ بانگی نظام ئِ ھوالگئَ کارانی تہا گہتری ئِ ھاترئَ مھکمہ آنی درنیامئَ مھکمیں رابطہ آنی جوڈ کنگ ئِ پنتءُ شون کتگ۔ آئی ئَ اے پنتءُ شون بجلی ءُ توانائی ئِ ھوالگئَ دیوانئِ سروکی کنانئَ کتگ کہ سئے شمبے ئِ روچئَ مزن وزیر ئِ کارگسئَ چہ بوتگ۔ دیوانئِ تہا بجلیئِ وزیر سردار اویس احمد خان لغاری، پٹرولیم ئِ ملکی وزیر جام کمال خان، ھمگرنچیں ڈویژن آنی سیکریٹریز ، ایم ڈی سوئی ناردرن گیس پائپ لائنز، آئل کمپنی آنی شورءُ صلائی کونسل ئِ چیف ایگزیکٹو آفیسر ، اٹک ریفائنری لمیٹڈ ئِ چیف ایگزیکٹو آفیسر ءُ دگہ سینئر حکام ھوار بوتگ اَنت۔ مزن وزیر ئَ را ملک ئِ تہا بجلی ءُ توانائی ئِ لوٹءُ رسگ ئِ انوگیں جاورھال ئِ ھوالگئَ شونشت دیئگ بوتگ۔ دیوان ئِ تہا اے گپ ئِ درشانی کنگ بوتگ کہ ملکئِ تہا نہ تنا بازیں کساسے ئَ بجلی اَست بلکیں آﺅکیں ماھانی ضلورتاں پیلو کنگئِ ھاترئَ پیداواری استعداد ھم اَست۔ مزن وزیر ئَ را ھال دیئگ بوتگ کہ ملکئِ تہا گوستگیں روچئَ بجلی ئِ پھجارینگئَ مھتلی بجلی ئِ کمی نہ بلکیں ڈسٹری بیوشن سسٹم ئِ تہا تیکنکی سوب آں چہ بوتگ۔ مزن وزیرئَ بجلی ئِ بھرءُ بانگی نظام ئَ چہ ھمگرنچیںکارانی گہتری ئِ ھاترءَ ھمگرنچیں مھکمہ آنی افسرآنی درنیامئَ مھکمیں نزیکی جوڈ کنگئِ پنت ءُ شون کتگ۔ مزن وزیر ئَ دراھیں ڈسکوزئَ را ترسیلی نظام ئَ را برجم دارگءُ ایشی ئِ تہا گہتری آرگئِ پنتءُشون ھم کتگ تنکہ پیداوار ئِ تہا گیشی ئَ چہ بے اوشتءُ بے مھتلی ئَ بجلی ئِ پھجارینگ بہ بیت ءُ لس مھلوک ایشی ئَ چہ پاھدگ چست کُت بہ کن اَنت۔
