اسلام آبادئَ چمانی نادراھی ئِ ھوالگئَ سنٹر آف ایکسی لینسی ئِ جوڈ کنگئَ چمانی نادراھی ئِ زانتکارانی زانتکاری ئِ تہا گیشی بیت
اسلام آباد۔28نومبر(اے پی پی) صدر ممنون حسین ئَ گشتگ کہ اسلام آباد ئَ چمانی نادراھی ئِ ھوالگئَ سنٹرآف ایکسی لینسی ئِ جوڈ کنگئَ سرجمئَ کمک پھجارینگ بنت، سنٹر ئِ جوڈ کنگئَ چہ چمئِ نادراھی ئِ زانتکارانی زانتکاری گیش بنت۔ صدر ممنون حسین ءَ اے گپ اوفتھلمولوجیکل سوسائٹی ئِ ڈل ئَ گوں گپ ءُ تران کنان ئَ کتگ کہ آھاں صدر سوسائٹی پروفیسر ضیاالاسلامئِ سروکی ئَ ایوان صدرئَ صدر ممنون حسینئَ گوں گندءُ نند کتگ۔ ڈل ئِ دگہ باسکانی تہا ڈاکٹر محفوظ حسین، جنرل سیکرٹری سوسائٹی، ، پروفیسر شاہدوہاب، پروفیسرمحمد داو¿دخان، پروفیسر محمد مظہر قیوم، پروفیسر مظہر اسحاق، پروفیسر امتیاز علی شاہءُ دگہ مزنیں حکام ئِ مردم ھوار بوتگ اَنت۔صدر ممنون حسین ئَ گشتگ کہ قرنیہ ٹرانسپلانٹ ئِ ھوالگئَ ضلوری کانود سازی کنگ بیت۔ آئیئَ گشتگ کہ جوانیں علاج ئِ ھاترئَ پٹءُ پول المّی اِنت ھمے ھاترئَ سنٹر جوڈ کنگئِ ھاترئَ نجی پڑئَ را متحرک کنگ بہ بیت۔ صدرئَ اوفتھلمولوجیکل سوسائٹی آف پاکستانئِ ازمتئَ را ساڑاتگءُ گشتگ کہ زانت کارانی گیشی ئَ چہ ملک ئِ تہا چمانی نادراھی ءُ کوری ھلاس کنگئَ سوسائٹی ئِ ھاسیں کرد اِتءُ اُمیت اِنت کہ آئی ئِ کرد دیمئَ ھم جاری بیت۔ ملک ئِ صدر ئَ گشتگ کہ اے ھوالگئَ حکومت سوسائٹی ئَ گوں کمک کنت۔ڈل ئَ سوسائٹی ئِ جیڑھ ئِ تہا ھدوکی زُرتگءُ صدر ممنون حسین ئِ شگرءُ منت گپتگ۔
