اسلام آباد۔28نومبر(اے پی پی) راجی اسمبلی ئَ قائد حزب اختلاف سید خورشید احمد شاہ ئَ اے اُمیت ئِ درشانی کتگ کہ نوکیں حلقہ بندی آنی ھوالگئَ جیڑھ 11دسمبر ئَ چہ پیسر سینیٹ ئَ گیشءُ گیوار کنگ بیت۔ سئے شمبے ئِ روچئَ ھال درئِ گوما گپءُ تران کنان ئَ آئی ئَ اوست داتگ کہ اے جیڑھ سینیٹ ئِ آﺅکیں دیوانئَ لوٹگئَ چہ پیسر گیشءُ گیوار کنگ بیت۔ دھرنہ ئَ چہ ھوالگئَ جُست ئِ سرئَ آئیئَ گشتگ کہ ایشیئَ چہ میاں اوستمانی ئَ پاکستانئِ پجّار آماچ بوتگ۔ آئیئَ گشتگ کہ اگاں مسلم لیگ نون بنجاھی وزیر ئِ دست کشی ئِ جیڑھ مزن گسئَ آرگ بوت اِنت گڈا گہتر بوتگ۔ آئی ئَ گشتگ کہ پاکستان پیپلز پارٹی جمہوریت ءُ مزن گس ئِ گوما اوشتاتگ چیا کہ پی پی پی ئَ مدام مزن گسئَ چہ زور ھاصل کتگ ءُ مہ مزن گس ءُ جمہوریت ئَ را مھکم کنگئِ ھاترئَ دیم ئَ وتی کردئَ پیلو کنت۔ سیّد خورشید شاہ ئَ گشتگ کہ پاکستانئِ جوانیں پجّار، سلامتی ، مھکمی ءُ یکوئی ئَ را المی ئَ کنگ بیت۔
