اسلام آباد۔28نومبر(اے پی پی ) سری لنکا ئَ پاکستان ئِ ہائی کمشنر ڈاکٹر شاہد احمد حشمت ئَ گشتگ کہ سری لنکا۔ پاکستان فرینڈ شپ، بیپار زرکاری ایسوسی ایشن ئِ دوھیں ملک آنی اُلساں نزیک ئَ آرگئَ ھاسیں کرد اَست۔ اے گپ آئی ئَ ایسوسی ایشن ئِ ڈل ئَ گوں گپءُ تران کنانئَ کتگ کہ آھاں صدر افتخار عزیز ئِ سروکی ئَ سئے شمبے ئِ روچئَ کولمبو ئَ پاکستانی ہائی کمیشن ئِ تہا گندءُ نند کتگ۔ سری لنکا پاکستان فرینڈ شپ ایسوسی ایشن سری لنکا ئِ یک کونیں ایسوسی ایشن اِت کہ 1950ئَ جوڈ کنگ بوتگ۔ افتخار عزیز ئَ پاکستانی ہائی کمشنر ئَ را بازیں سماجی ویلفیئر ءُ دود ءُ ربیدگی سُرءُ پُراں ئَ ھوار ایسوسی ایشنئِ رمسءُ سُرءُ پرانی ھوالگئَ شونشت داتگ۔ ہائی کمشنر ئَ دوھیں ملک آناں نزیکئَ را ایسوسی ایشن ئِ کردئَ را ساڑاتگ۔ آئیئَ اُمیت درشان کتگ کہ ایسوسی ایشن دوھیں ملک آنی اُلسئَ را گیش نزیک آرگئَ ءُ دونیمگی سیادی ئَ را گیش مھکم کنگئَ وتی کردئَ جاری داریت۔
