اسلام آباد ۔ 28 نومبر (اے پی پی) عمان ئِ رائل بحریہ ئِ سروک رئیر ایڈمرل عبداللہ بن خامس بن عبداللہ ال رئیسی ئَ نیول ہیڈکوارٹرز ئِ تر ئُُ تاب کت، پاک بحریہ ئِ سروک ایڈمرل ظفر محمود عباسی ئَ گوں گند ئُُ نند کت۔ نیول ہیڈ کوارٹرز ئَ آیگ ئَ پاک بحریہ ئِ سروک ئَ عمان ئِ رائل بحریہ ئِ سروک رئی ایڈمرل عبداللہ بن خامس بن عبداللہ ال رئیسی ئَ را وش اتک کت۔ پاک بحریہ ئِ ورنا آں پُرمڈائیں مہمان آناں سلامی پیش کت۔ سلامی ئَ چہ پد پُر مڈائیں مہمان آں نیول ہیڈکوارٹر ئِ پرنسل سٹاف آفیسر آنی پجار کنائینت۔ ایشی ئَ چہ پد ائیر ایڈمرل عبداللہ بن خامس بن عبداللہ ال عئیسی ئَ پاک بحرئی ئِ سروک ئَ گوں گند ئُُ نند کت۔ گند ئُُ نند ئِ ساھت ئَ کزبی کار، دو نیمگی زرّئی یکجائی ئُُ دو ئیں ملک آنی زرّئی اُرد ئِ نیام ئَ کمک ئِ بازیں پڑ آنی سر ئَ ھیال ریچی کنگ بوت۔ پاک بحریہ ئِ سروک ئَ ناشرکاری ئِ ھلاپ ئَ جنگ ئَ پاکستان ئِ جزم ئُُ کرد ھاسیں رنگ ئَ کولیشن میری ٹائم کمپین پلان ئُُ زرئی گورم آنی آپریشنز آنی تہئَ بھر زوری ئِ سرئَ چمشانک دات۔ پُرمڈائیں مہمان آناں یک ئَ چہ گیش ملکی ٹاسک فورسز 150ئُُ151ئِ پاک بحریہ ئِ نیمگ ئَ بازیں رند ئَ کمانڈ ئِ باروا سرجمیں ھال آں چہ سرپد کت۔ مہمان آناں پڑ ئِ میری ٹائم ئِ جاور ھال آنی بابت ئَ ئُُ پڑ ئِ میری ٹائم سیکورٹی ئَ پاک بحریہ ئِ کرد ئِ سر ئَ سرجمیں بریفنگ ھم دیگ بوت۔ عمان ئِ رائل بحرئی ئِ سروک ئَ پڑ ئَ ایمنی ئُُ برجائی ئِ واستہ پاک بحریہ ئِ اِزمت ئُُ کرد آناں ساڑات۔ عمان ئِ رائل بحریہ ئِ سروک ئِ اے تر ئُُ تاب دوئیں ملک آنی زرّئی اُرد ئِ نیام ئَ وت مہ وتی یکوئی ئَ را گیش ودینگ ئِ سبب جوڑ بیت۔
