آسیان ئِ پنجاھ سدھمی سالروچ ئُُ انٹرنیشنل فلیٹ ریویو ئَ بھر زوری کت
اسلام آباد ۔ 27 نومبر (اے پی پی) پاک بحریہ ئِ جہاز پی این ایس سیف ئَ 16تاں 21نومبر ئَ تاں پٹایا(تھائی لینڈ) ئِ تر ئُُ تاب کت ئُُ رائل تھائی نیوی ئِ نیمگ ئَ برجم داشتگیں آسیان ئِ پنجاھ ئُُ سدھمی سالروچ ئُُ انٹرنیشنل فلیٹ ریویو ئَ بھر زوری کت۔ فلیٹ آفیسر سی ٹریننگ ریئر ایڈمرل ذکا ء الرحمن ئَ اے مراگش ئِ سھات ئَ پاک بحریہ ئِ سروکی ئَ نماھندگی کت۔ پٹایا ئِ تر ئُُ تاب ئِ ساھت ئَ فلیگ آفیسر ٹریننگ ئَ رائل تھائی نیوی ئِ سینٹر نیول عہدیدارءُ اے مردماں گوں گند ءُ نند کتگ کہ ایشانی تہا رائل تھائی نیوی ئِ ڈپٹی کمانڈر ان چیف ایڈمرل لیوچی روڈٹ ، تھائی لینڈ ئِ دیمپانی ئِ وزیر جنرل پروت وانگسو وانءُ ملائیشیاءئِ بحریہ ئِ سروک ایڈمرل تان سری احمد قمرالزمان بن حاجی احمد بدرالدین ھوار بوتگ اَت۔ اے گندءُ نندانی تہا فلیگ آفیسرسی ٹریننگ ئَ آسیان ئِ پنجاھ سدھمی سالروچئِ سرئَ تھائی حکومتی عہدگ داراں مراد بات پیش ءُ تھائی لینڈئِ اُلس ھاس رائل تھائی لینڈ نیوی ئِ ھاترئَ پاک بحریہ ئِ سروک ایڈمرل ظفر محمود عباسی ئِ نیمگئَ چہ نیکیں واھگانی کلوھ سر کتگ۔ پٹایا ئَ پی این ایس سیف ئِ نندگئِ وھدئَ گراب ئِ کمانڈنگ آفیسر کیپٹن شہزاد اقبال ئَ کمانڈررائل تھائی فلیٹ ایڈمرل رنگسار ٹ ستایا نوکول، پولیس میجر جنرل آنان شیرون چاسری ، پٹایا شہرئِ میئر ءُ دگہ عسکری عہدگ داراں گوں گندءُ نند کتگ۔ میاں اوستمانی فلیٹ ریویو 2017آسیان ئِ گولڈن جوبلی ئِ ھوالگئَ یک ھاسیں سُرءُ پُرے بوتگ کہ آئی ئِ تہا بازیں ملک آنی 19بحری فوج آنی 36گراب ھوار بوتگ اَنت۔ایشی ئَ ابید 19ملک آنی بحری فوج آنی سروک ءُ 15ملک آنی بحری فوج آنی سروکانی نمائندگ ھم موھئِ سرئَ ساڑی بوتگ اَنت۔ پی این ایس سیف ئَ رائل تھائی نیوی ئِ کمانڈر ان چیف ئِ دعوت ئِ سرئَ پاک بحریہ ئِ نمائدگی کتگ۔ وتی نندگئِ وھدئَ پاک بحریہ ئِ آفیسرزءُ سیلرز ئَ پٹایا ئِ تیاب ئَ بازیں سُرءُ ُپُر ئَ ھوار سٹی ملٹری پریڈ ئَ بھر زُرتگ۔
