اسلام آباد ۔ 27 نومبر (اے پی پی) پاک بحریہ ئِ جہاز پی این ایس طارق ئَ خلیج عدن ئَ زرّی گشت ئِ ساھت ئَ پس اِتگیں یمنی لانچ ئَ را اندائیان ئَ بحفاظت تیاب ئَ سر کت۔ پٹ ئُُ پول ئَ چہ سرپدی بوت کہ لانچ 10نومبر 2017ئَ بوساسو (صومالیہ) ئَ چہ ماھیگ ئِ زُرتگ الملاکہ (یمن) ئَ روانگ بوتگ ئُُ سپرئِ ساھت ئَ پروپیلر ئِ پرشگ ئَ چہ آپریشنل ازمکاری ئِ بیگواہ کتگ اَنت ئُُ دھ روچ ئَ چہ بے آپ ئُُ بے وردن ئِ گوما زرّ ئَ سر گردان بوتگ۔ پی این ایس طارق ئَ لانچ ئِ کارندہ آناں وردن ئُُ وراک ئُُ آپ ئِ پُجاری ئِ ھواری ئَ دھ کلاک ئَ تاں زّری آلاڑ ئِ تہئَ آپریشنز کنان ئَ ایشرا کشان کشان ئَ بحفاظت تیاب ئَ سر کت، تانکہ صومالی ئِ کارندہ آنی نیمگ لانچ ئِ مردم آناں آسراتی پُجارینگ بہ بیت۔ لانچ ئِ مالک ئُُ کارندہ آں پی این ایس طارق ئِ لانچ وھد ئُُ پاس ئِ سر ئَ کمک کمک پُجارینگ ئَ شگر گپت۔ یمنی کوسٹ گارڈ ئُُ لانچ ئِ مالک آناں لانچ ئِ سہرا بوھگ ئِ بابت ئَ ھال دات۔ یات بہ بیت کہ بحری اُرد وتی اشتاپیں سُرگ، رسائی، جوانیں گام ئُُ جھلانکیں آپ ئِ تہئَ بنی آدم آنی رکھینگ ئِ وڑیں جتائیں ھاسیت ئِ سبب ئَ بنی آدم آنی گوما یکوئی ئِ آپریشنز ئِ تہئَ سک باز کار آمد اِنت۔ پاک بحریہ ایمنی ئُُ جنگ دوئیں تک ئَ ”عسکری“ نگرانی، سفارتی ئُُ بنی آدم آنی آپریشنز آسر کنگ ئِ ھاترا وتی تیاری آنی ٹوھیں بستار آناں برجم دار ایت۔
