بُنجاھی توکی کارانی وزیر احسن اقبال ئَ ”دھرنا“ آپریشن ئِ چار ئُُ تپاسی گرگ ئِ ھاترا سیکرٹری توکی کارانی نگرانی ئَ سئے باسکی کمیٹی ئِ جوڑ کت
توکی کارانی وزیر ئِ جاک ئُُ کوکار کنوک آنی گوما گر ئُُ چیل بوھگ ئِ ھاترا نوکیں ترز ئُُ رپک آنی آسرارتی یک ہزار پولیس ئِ کارندہ آنی ھاسیں ٹیمب زوتاںزوت ئِ بنیات ئَ روان دیگ ئُُ اسلام آباد پولیس ئِ ضلورت آناں جلد آں چہ جلد سرجم کنگ ئِ پنت ئُُ شون
اسلام آباد ۔ 27 نومبر (اے پی پی) بُنجاھی وزیر توکی کار احسن اقبال ئَ ”دھرنا“ آپریشن ئِ سر ئَ چار ئُُ تپاسی گرگ ئِ ھاترا سیکرٹری توکی کار آنی نگرانی ئَ سئے باسکی کمیٹی ئِ جوڑ کنان ئَ گوشت کہ کسد ئُُ کینگ ئِ گال آنی ھلاس کنگ ئِ فرض عالم آنی اِنت، ختم ئِ نبوت ئِ سرئَ اِچ چار ئُُ بچار نہ بوتگ ئُُ نہ بیت۔ دوشمبے ئَ اِدا چہ جاڑی بوتگیں بیان ئِ رد ئَ توکی کارانی وزیر ئَ گوشت کہ کمیٹی ئِ چار ئُُ تپاسی گرگ بیت کہ چے ”دھرنا“ 2014ئَ چہ پد پولیس ئِ اے رنگیں جیڈھ آں گوں گر ئُُ چیل بوھگ ئَ جوانیں گیشی بوتگ۔ توکی کارانی وزیر ئَ جاک ئُُ کوکار آں گوں گر ئُُ چیل بوھگ ئِ ھاترا نوکیں ترز ئِ ازمکاری یک ہزار پولیس ئِ کارندہ آنی ھاسیں ٹیمب زوتاں زوت ئِ بنیات ئَ جوڑ کنگ ئُُ اسلام آباد پولیس ئِ ضلورت آناں اشتاپ اشتاپی ئَ سرجم کنگ ئِ پنت ئُُ شون ھم دات۔ توکی کارانی وزیر ئَ آمید گسی پیسلہ ئِ رد ئَ آیوکیں وھد ئَ دارالحکومت ئِ جاک ئُُ کوکار ئِ رچ ئِ بند بہ بیت چیا کہ استیں وھد ئِ جاک ئُُ کوکار ئَ چہ میاں استمانی تک ئَ پاکستان ئِ امیج آماچ بوتگ ئُُ توکی تک ئَ ھمزور ھم بوتگ۔ توکی کارانی وزیر ئَ گوشت کہ سی پیک پاکستان ئِ واستہ سد آنی سال ئِ ٹیکی اِت۔ ایشی ئَ را ناکام کنگ ئَ بازیں ھاٹیگ کار کنگ ئَ اَنت، بازیں مردم نازانتکاری ئَ اے دژمن آنی ایجنڈا آنی کمکی وسیلگ جوڑ بنت۔ آئی ئَ گوشت کہ ختم ئِ نبوت ئِ سر ئَ نہ کہ چار ئُُ بچار بوتگ ئُُ نہ کہ بوت کنت۔ جاک ئُُ کوکار ئِ ساھت ئَ لوگ آنی سر ئَ اُرش ئِ واکیہ شرمی بوتگ اَنت، ورنا آنی لٹ ئُُ کٹ ئِ مٹ ئَ وانگ ئُُ زانگ ئُُ محنت ئِ سر سوج کنگ دین ئِ مستریں اِزمت اِنت، عالم آنی فرض اِنت کہ کسد ئُُ کینگ ئِ گال آں بُن گوج بکن اَنت۔ آئی ئَ گوشت کہ اسلام ایمنی، براتی ئُُ یکوئی ئِ سبک ئَ دنت۔
