اسلام آباد۔26نومبر(اے پی پی) تہی کارانی وزیر احسن اقبال ئَ گشتگ کہ حکومت فیض آباد انٹر چینج ئِ سرئَ جاری دھرنہ ئِ باسکانی نیمگئَ چہ چست کتگیں جیڑھئِ سرئَ زوتاں چہ زوت جیڑھئَ را گیشءُ گیوار کنگ لوٹ ایت۔ راجہ ظفر الحق ئِ سروکی ئَ جوڈ کتگیں پٹءُ پولی کمیٹی ئ، رپورٹ ئِ گشگئِ ردئَ ختم نبوت ئِ جیڑھئِ سرئَ مٹءُ بدلی کنگئِ دراھیں زمہ وار سزا دیئگ بہ بنت۔ اے ھیالانی درشانی آئی یک شمبےءِ روچئَ نجی ٹی وی چینل ئَ گوں گپءُ تران کنان ئَ کتگ۔ آئی ئَ گشتگ کہ وت دھرنہ ئِ مردمانی ھلاپئَ آپریشن کنگئِ ھکئَ نہ بوتگ اوں ءُ منی اولی روچئَ چہ ھمیں حکمت عملی بوتگ کہ گپءُ تران ئِ وسیلگئَ چہ دھرنہ ھلاس کنگ بہ بیت، اے مول ءُ مرادئِ ھاترئَ عالم آں چہ نزیکی کنگ بوتگ ءُ ھمیں گپ من آمید گسئَ پیشی ئِ وھدئَ ھم گشتگ، ھمیں ھاترئَ مارا موھ دیئگ بہ بیت کہ اے جیڑھئَ را امنءُ ایمنی ئِ گوما گیشءُ گیوار کنگ بہ بیت، بلے اے وھدئَ یک پیشی ئَ منئَ ھم توار کنگ نہ بوتگ، آمیدگسئَ پرمان جاری کتگ کہ اے تہی کارانی وزیرئِ بابتئَ وت واجہ نہ اِنت کہ امید گسی پرمانانی تہا کجام وڈیں اوشتے پیداک بہ کنت، ھمے ھاترئَ ھندی انتظامیہ آمید گس ئِ پرمانانی سرئَ عمل بہ کنت، کہ ایشی ئِ سرئَ انتظامیہ ئَ فیض آباد انٹر چینج ھال کنگئِ ھاترئَ شمبے ئِ روچئَ دھرنہ دیﺅکانی سرئَ کاروائی کتگ۔
