دھرنہ ئَ را ھلاس کنگئِ ھاترئَ حکومت ءَ آمید گسی پرمان ئِ سرئَ 2عمل کتگ، زاہد حامد ءُ انوشہ رحمان ئَ دست کشی نہ کتگ، دست کشی ئَ چہ بندوکیں دراھیں ھال بے بُن اَنت، ھال ئُ اھیوال کارءُ شنگکار مریم اورنگزیب

اسلام آباد۔26نومبر(اے پی پی) ھال ءُ اھیوال کاری ءُ شنگکاری ئِ بنجاھی وزیر مریم اورنگریب ئَ گشتگ کہ دھرنہ ئَ را ھلاس کنگئِ ھاترئَ حکومت ئَ آمید گسی پرمان ئِ سرءَ عمل کتگ، بنجاھی وزیرزاہد حامد ءُ انوشہ رحمان ئَ دست کشی نہ کتگ۔ دست کشی ئَ چہ بندوکیں دراھیں ھال بے بُن اَنت۔ یک شمبے ئِ روچئَ وتی بیانئِ تہا مریم اورنگزیب ئَ گشتگ کہ آمید گسی ئَ پرمان داتگ کہ دھرنہ ئَ را ھلا س کنگئِ ھاترئَ بے سلاھیں آپریشن کنگ بہ بیت۔ حکومت وتی ھیالءُ لیکہ ئَ چہ آمید گسئَ را سرپد کنت۔ آئیئَ گشتگ کہ حکومت وے جیڑھئَ را سوچءُ سمجھ ئِ گوما گیشءُ گیوار کنگ لوٹ ایت، جیڑھ سک نازرک اِنت، ایشی ئِ گوما بے بنیں گپ کنگ جوان نہ انت ۔