اسلام آباد۔26نومبر(اے پی پی) ھال ءُ اھیوال کاری ءُ شنگکاری ئِ وزیر مریم اورنگزیبئَ گشتگ کہ مزن وزیر ئِ پنتءُ شونءُ پرمان ئِ سرئَ دراھیں ھال رسانکی چینل آنی بندش ھلاس کنگ بوتگ، چینل آنی بندش ئِ پیسلہ گران بوتگ بلے بندش بدامنی ئِ گرءُدار کنگئِ ھاترءِ ملکی پاھدگ ئَ جنگ بوتگ، حکومت ھیالءُ لیکہ ئِ درشانی ئِ سرئَ اوست کنگ ، اے گامگیج ئِ یکیں مولءُ مراد ملکی سلامتی ءُ تکانسری ئَ چہ رکھینگ بوتگ، مہ درس ملکی سلامتی ئِ ھاترئَ کار کنگئَ اَنت، جوانیں رپورٹنگ ئَ چہ اُلسئِ مالءُجانئِ رکھینگ مئے درسانی زمہ واری اِنت، راجی پاھدگءُ راجی سلامتی مئے درسانی زمہ واری اِنت۔ یک شمبے ئِ روچئَ مزن وزیر شاہد خاقان عباسی ئَ رپورٹنگ ئِ ھوالگئَ چہ تچک ئَ تچک ضابطہ اخلاقئِ سرئَ تپاک کنگئَ پد پرمان جاری کتگ۔ آئی ئَ گشتگ کہ چینل آنی سرئَ بندش بدامنی ئَ را گرءُ دار کنگئِ ھاترءَ ملکی پاھدگ ئَ جنگ بوتگ چینل آنی بندش ئِ پیسلہ باز گران بوتگ ، باز چینل آنی نیمگئَ چہ اشتاپ کنگئِ سوبئَ اے بندش جنگ بوتگ، اے گامگیجانی مولءُ مراد ملک ءِ تہا تکانسری ءُ ناگیگیں جاورھالاں گرءُ دار کنگ بوتگ۔
