اسلام آباد ۔ 26 نومبر (اے پی پی) ڈی ایٹ ملک آنی ”شہری ہوا بازی“ ئِ سروک آنی دو روچی کانفرنس دو شمبے ئِ روچ ئَ اسلام آباد ئَ بندات بوھگ ئَ اِنت۔ کانفرنس ئَ ڈی ایٹ ملک آنی بالیگ آنی پڑ ئَ جیڈھ آنی گیواری ئُُ آیوکیں باندات ئَ کمک ئُُ امیت آناں باست ئُُ واست گرگ بیت۔ ایوی ایشن ئِ بابت ئَ مزن وزیر ئِ مشیر سردار مہتاب عباس ئَ کانفرنس ئِ بنگیج ئَ کنت۔ پاکستان ئِ شہری ہوابازی ئِ ادارگ ئَ کانفرنس ئِ واستہ انتظامی مکمل کتگ اَنت۔ کانفرنس ئَ بنگہ دیش، مصر، انڈونیشیا، ایران، ملائیشیا، نائجیریا، پاکستان ئُُ ترکی ئَ ھوار D-8 ملک آنی شہری ہوا بازی ئِ سروک بھر زوری کن اَنت۔ ڈی ایٹ ملک آنی بالیگ آنی پڑ ئَ جیڈھ آنی گیواری ئُُ آیوکیں باندات ئِ تہئَ کمک ئِ امیت آنی سرئَ ھیال ریچی ئِ ھاترا بازیں شوبگ آنی تہئَ دیوان برجم دارگ بیت۔ کانفرنس ئَ شریکیں ملک آناں یک ئِ دومیگ ئِ گوما تجروبت آں چہ نپ ئُُ سیت چست کنگ، آیوکیں باندات ئِ ھاترا گامگیج ئُُ یکوئی ئِ دیمروئی ئِ سرئَ ھیال ریچی ئَ موہ رسیت۔ کانفرنس ئِ اولی روچئَ بھر زوروکیں مردم راجی مڈی میوزیم ئِ تر ئُُ تاب ئَ کن اَنت۔ کانفرنس ئِ دومی روچ ئَ بھر زوروکیں مردم کار رپک ئُُ ھیل کاری ئِ بابت ئَ ٹاسک فورس ئِ ھوالگ ئَ باست ئُُ واست کن اَنت ئُُ پاکستان ئَ فلائیٹ انسپکشن فسیلیٹی، سول ایوی ایشن ٹریننگ انسٹی ٹیوٹ، ٹرکش ٹیکنیک کمپنی پروفائل ئَ ھوار بازیں بُن گپ آنی سر ئَ پریزنٹیشن دیگ بیت۔ بھر زوروکیں مردم شہری ہوابازی ئِ ارزشت اے پڑ ئِ جاورھال، رکھینگ ئِ بابت ئَ ٹاسک فورس، ڈرون سیفٹی ئُُ رپک آنی سرئَ چار ئُُ تپاسی کن انت۔
