اسلام آباد ۔ 24 نومبر (اے پی پی) وزیر مملکت برائے اھوالکاری ئُُ شنگ کاری ئُُ راجی مڈی مریم اورنگزیب ئَ پشاور ئِ دمگ حیات آباد ئَ تراکئَ مذمت کنان ئَ سک باز اپسوزی ئِ درشان کنان ئَ اے اپسوزی واکیہ ئَ ایڈیشنل آئی جی اشرف نور ئَ ھوار ناشرکاری ئِ آماچ بوتگیں مردم آنی ھاترا گرانیں ڈکھ ئُُ اندوھ ئِ درشان کت۔ آدینگ ئِ روچ ئَ مریم اورنگزیب ئَ گوشت کہ پولیس، سلاھ بندیں اُرد، کانود ئَ را مھکم داروکیں ادارگ ئُُ دلیریں ورنا آں ماتیں وطن ئِ رکھینگ ئِ ھاترا وتی جان کربان کتگ۔ آئی ئَ گوشت کہ مئے کربانی ناشرکاری ئِ ھلاسی ئَ تلپچیں درور اَنت۔ وزیر ئِ مملکت ئَ گوشت کہ ھمک پاکستانی ناشرکاری ئِ ھلاپ ئَ یک دل ئُُ یک چیک انت ئُُ ھون ئِ گڈی ترمپ ئَ ناشرکاری ئِ ھلاپ ئَ جنگ ئَ مچ اِین آں۔ آئیئَ گوشت کہ مئے دژمن ناشرکاری ئِ وسیلگ ئَ ایمنی، وشھالی ئُُ دیمروئی ئِ کشک ئَ را داشت نہ کناں۔
