اسلام آباد ۔ 24 نومبر (اے پی پی) چیئرمین سینیٹ میاں رضا ربانی ئَ گوشت کہ وزارت توکی کار ھمک شش ماھ ئَ پد ایف آئی اے ئِ کرد ئِ ھوالگ ئَ رپوٹ ایوان ئَ پیش بہ کنت۔ آدینگ ئِ روچ ئَ ایوان ئِ بالا ئِ دیوان ئَ الیکٹرانک کرائم بل 2016ئِ سیکشن 53 ئِ ھوالگ ئَ رولنگ دیان ئَ آئی ئَ گوشت کہ وزارت ئِ توکی کار ھمک شش ماہ ئَ پد اے بابت ئَ بُنجاھی پٹ ئُُ پولی ایجنسی (ایف آئی اے ) ئِ کرد ئِ ھوالگ ئَ رپوٹ پیش بہ کنت۔ آئیئَ گوشت کہ پارلیمنٹ ئَ اے رپوٹ پیش بوھگ ئَ پد ایشرا کمیٹی ئِ کیمرہ پٹ کتگیں کوٹی ئَ دیوان ئَ پیش کنگ بہ بیت۔ آئی ئَ کمیٹی ئَ را پنت ئُُ شون کت کہ رپوٹ ئَ را پارلیمنٹ ئَ پیش کن اِت۔ چیئرمین سینٹ ئَ ایف آئی اے ئِ استیں ششماھی رپوٹ ئَ را نہ وش ”غیر تسلی بخش“ نامینت۔
