تراک ئَ 15ئَ چہ 20کلوگرام بُن گروکیں چیز کار چیز کارمرد کنگ بوتگ، سی سی پی او
پشاور۔24نومبر (اے پی پی ) پشاور ئِ دمگ حیات آباد ٹاﺅن شپ ئَ وت کشیں تراک ئِ نتیجگ ئَ ایڈیشنل انسپکٹر جنرل (آئی جی ) ھیڈکوارٹر محمد اشرف نور شہدی بوتگ وھدیکہ پنش پولیس ئِ سپاھیگ ٹپیگ بوتگ اَنت۔ پشاور ئَ پولیس ئِ سروک طاہر خان ئَ میڈیا ئَ را ھال دات کہ اے وت کشیں تراک ئِ بوتگ ئُُ وت کشیں تراک کنوک ئِ ٹارگٹ محمد اشرف نور بوتگ۔ تراک ھما وھد ئَ بوت وھد ئِ تراکی چیز آں چہ لوڈ بوتگیں موٹر سائیکل ایڈیشنل آئی جی ئِ گاڑی ئِ گوما ٹوکر ئِ وارت ایڈیشنل آئی جی ئِ گاڑی زرغون مسجد ئِ نزیک ئَ اَت کہ اے واکیہ بوت، ایڈیشنل آئی جی ڈیوٹی ئَ روگ ئَ اَت۔ تراک ئِ سبب ئَ گاڑی سرجمی ئَ پرشت ئُُ چنڈ چنڈ بوت۔ ٹپیگیں سپاھیگ آنی تہئَ محمد ذیشان، روح اللہ، ذیشان خان، شوکت ئُُ اعجازخان ئَ را حیات آباد میڈیکل کپملیکس ئَ روان دیگ بوت آھودا روح اللہ ئِ جاور نگیگ گوشگ بوھگ ئَ اَنت۔ بمب ڈسپوزل سکواڈ ئِ رد ئَ 15ئَ چہ 20کلوگرام تراکی چیز کارمرد کنگ بوتگ، سیکورٹی فورسز آں دمگ ئَ را چپ ئُُ چاگرد کتگ ئُُ سرچ آپریشن بندات کتگ۔مزن وزیر شاہد خاقان عباسی، توکی کارانی وزیر احسن اقبال، پنجاپ ئِ سروزیر شہباز شریف، گورنر کے پی کے اقبال ظفر جھگڑا، مزن وزیر ئِ مشیر امری مقام، وزیر ئِ مملکت اھوالکاری ئُُ شنگ کاری مریم اورنگزیگ، پی ٹی آئی ئِ چیئرمین عمران خان ئُُ پی پی پی ئِ چیئرمین بلاول بھٹو زرداری ئَ تراک ئَ را مذمت کتگ ئُُ پشمندھ آنی واستہ دُعا ئِ نیک ئُُ دلپدردی کتگ ئُُ ھُدا مرزی ئِ ئِ واستہ دُعا ئِ نیک کتگ۔
