راولپنڈی۔23نومبر(اے پی پی ) ڈیرہ اسماعیل خان ئَ ناشرکاری ئِ ھلاپئَ کاروائی کنگئِ وھدئَ شہید بوتگیں میجر اسحاق ئَ را سرجمیں فوجی دادءُ شرپئِ گوما کبرءُکسارت کنگ بوتگ۔ لاہور ئِ ایوب اسٹیڈیم ئَ شہید ئِ نماز جنازہ پنچ شمبےئِ روچئَ وانگ بوتگ کہ آئی ئِ تہا پنجاپئِ سروزیر شہباز شریف ، ریلوے ئِ سروزیر سعد رفیق، کورکمانڈر لاہور لیفٹیننٹ جنرل عامر ریاض ئَ ھوار شہیدئِ ھاندان ءُ سیادءُوارث ھوار بوتگ اَنت۔ نماز جنازہ ئِ وانگئَ پد شہید میجر ئَ را سرجمیں فوجی شرپءُ دادئِ گوما کیولری گراﺅنڈ کبرستان ئَ کبرءُ کسارت کنگ بوتگ۔ اے موھئَ پاک فوجئِ دستہئَ شہیدئَ را سلامی ھم داتگ۔ 28سالہ شہید میجر اسحاق گوستگیں روچئَ ڈیرہ اسماعیل خانئَ ناشرکارانی گوما جنگ کنگئَ شہید بوتگ۔ شہید میجر اسحاق ئِ سیادی گوں خوشابئَ چہ اِنتءُ آ شش گہارءُ براتاں چہ کستریں بوتگ، شہیدئِ پُشپدئَ یک جنوزامے ءُ یک سالئِ زھگے اَست۔
