اسلام آباد۔23نومبر(اے پی پی) مزن وزیر شاہد خاقان عباسی ئَ گشتگ کہ ملکئِ تہا دیمروئی ئِ ضلورتئَ را گندگئَ گوں توانائی ئِ لوٹئَ را پیلو کنگئِ ھاترئَ گامگیج چست کنگ بوھگئَ اَنت، اے مولءُ مراد ئِ ھاترئَ ٹھیل ءُ گیس ئِ نوکیں ذخیرہ ئِ درگیجگ ئَ ھوار انرجی مکسئَ را گہتر کنگئِ سرئَ ھم دلگوشی دیئگ بوتگ۔ مزن وزیر ئَ گشتگ کہ پاکستان ئِ تہاجی ڈی پی ئِ شرح نمو گوستگیں مالی سال ئِ تہا 5.3درسد بوتگ وھدے کہ گوازوکیں سال ئِ ھاترئَ ایشیئِ ہدف 6درسدایر کنگ بوتگ۔ آئیئَ گشتگ کہ بُرزیں شرح نمو ئِ ھاترئَ توانائی ئِ ضلورت اِنت، اے ھوالگئَ پاکستان ئَ را وتی انرجی مکسئَ راگیش کنگئِ ضلورت اِنت۔ مزن وزیرئَ گشتگ کہ انرجی مکس ئَ را گہتر کنگئِ ھاترئَ تھراَشکرئَ چہ پاھدگ چست کنگ بوھگئَ اِنت۔ مزن وزیر ئَ گشتگ کہ ٹھیل ءُ گیس کمپنی آناں گہتریں موھ اَست، دیمروئی ئِ ہدف ئَ را سر جم کنگئِ ھاترئَ ٹھیلءُ گیس ئِ گیش آسراتی ئِ کار اِنت۔ آئیئَ گشتگ کہ مہ ٹھیلئِ پڑئِ تہا 10درسد ئَ چہ گیش دیمروئی ئِ ہدف حاصل کنگ لوٹ اَنت۔ توانائی ئِ گیش بوتگیں ضلورتاں پیلو کنگئِ ھاترئَ 09ملین ٹن ایل این جی درآمد کنگ ئَ اَنت وھدے کہ آیوکیں سئے سال ئِ تہا 20ملین ٹن ایل این جی درآمد کنگ بیت۔
