اسلام آباد۔23نومبر(اے پی پی ) راجی احتساب بیورو(نیب) ئِ چیئرمین جسٹس(ر) جاوید اقبال ئَ بلوچستان ئِ کوٹہ ئِ سرئَ بنجاھی حکومت آنی بازیں ادار گ آنی تہا بلوچستان ئِ کوٹہ ئِ سرئَ دروگیں ڈومیسائل ئِ سرئَ بھرتی بوھگئِ نوٹس زُزتگ ءُ بنجاھیسٹیبلشمنٹ سیکریٹریئَ چہ بلوچستان ئِ ڈومیسائل ئِ سرئَ بھرتی بوتگیں افسر ءُ اہلکار آنی رپورٹ لوٹ اِتگ تنکہ دروگیں ڈومیسائل ئِ جاری کنگئِ سرئَ گیش پٹءُ پول کنگ بہ بیتءُ زمہ وار دیمئَ آرگ بہ بنت۔ چیئرمین یب جسٹس(ر) جاوید اقبال ئَ سیکریٹری اسٹیبلشمنٹئَ چہ آغاز حقوق بلوچستان پیکج ئِ ردئَ بنجاھی حکومت ئِ بازیں ادارگ آنی تہا بھرتی بوھوکیں افسر ءُ اہلکار آنی ھم رپورٹ لوٹ اِتگ کہ آغاز حقوق بلوچستان پیکج ئِ ردئَ بنجاھی ءُ صوبہ بلوچستان ئِ تہا بازین پوسٹ آنی سرئَ بھرتی کنگئِ منظوری دیئگ بوتگ، مردم بنجاھ ءُ صوبہ بلوچستان ئَ تعینات کنگ بوتگ اَنت ءُ بازیں پوسٹ تاں انگت ھالی اَنت ءُھالی پوسٹ آنی سرئَ ”آغاز حقوق بلوچستان “ پیکج ئِ ردئَ تاں انگت بھرتی چیا کنگ نہ بوتگ۔
