اسلام آباد۔23نومبر(اے پی پی) پاکستانی نسل برطانوی زالبول شبنم چوہدری سکاٹ لینڈ یارڈ ئَ ڈیٹیکٹوسپرنٹنڈٹ ئِ عہدگ ئِ سرئَ است بوھوکیں اولی مسلمان زالبول جوڈ بوتگ ۔ نجی نیوز چینل ئِ گشگئِ ردئَ شبنم چوہدری 2سال ئِ اُمبرئَ وتی ماتءُ پتئِ گوما کراچی ئَ چہ برطانیہ ئَ شتگ۔ آئیئَ 1989ئَ پولیس فورسئِ تہا وتی بانداتئِ بندات کتگ۔ آئیئَ را جرم پیشہ گلاں گوں نفرت ءُ جرم ئِ ھلاس کنگئَ جوانیں کرد پیلو کنگئِ پدئَ میٹروپولیٹن پولیس ئِ تہا سپرنٹنڈنٹ ئِ پوسٹئِ سرئَ دیمروئی دیئگ بوتگ۔ شبنم چوہدری ئَ صحانی گوما گپءُ تران کتگءُ ھال داتگ کہ آ چار گہار اَنت ءُ آئی ئِ ماتءُ پتئَ آھانی زوتاں چہ زوت سانگ ءُ آروس کنگ لوٹ اِتگ بلے آئی ئَ وتی وانگ ءُ زانگ برجاھ داشتگ ءُ پدئَ پولیسئَ شتگ۔ آئیئَ گیش گشتگ کہ وھدےکہ آئیئِ ماتءُ پتئَ دیستگ کہ آ جرم ئِ ھلاپئَ جنگ کنگئَ اِنتءُ ضلورت مند آنی کمک ئَ کنگئَ اِنت آ سک باز وش بوتگ اَنت۔
