اسلام آباد۔ 23 نومبر (اے پی پی) بُنجاھی وزیر وانگ ئُُ زانگ ئُُ کزبی ھیل کاری انجینئر محمد بلیغ الرحمن ئَ گوشت کہ زبان آنی ارزسشت ئَ چہ انکار بوت نہ کنت، زبان سیویلازیشن ئُُ راجدپتر ئِ آدینک اَنت، فارسی زبان دود ئُُ ربیدگ ئِ نزیکی ئَ جوانیں کرد ئِ پیلو کت کنت۔ ہائر ایجوکیشن کمیشن ئَ فارسی زبان ئِ مشکلہئُُ آیوکیں باندات ئِ موہ آنی ھوالگ ئَ کمیشن سیکرٹریٹ ئَ دو روچی کانفرنس ئِ کت۔ اے کانفرنس ئَ را خانہ فرہنگ ایران، ایران ایمبیسی، نیشنل یونیورسٹی آف ماڈرن لینگویجز (نمل)، اسلامک کلچر اینڈ ریلیشنز آرگنائزیشن ئُُ ایران۔پاکستان انسٹیٹیوٹ آف پرشین سٹڈیز ئِ کمک ئَ برجم دارگ بوت۔ پنچ شمبے ئِ روچ ئَ دو روچی کانفرنس ئِ گڈی مراگش ئِ ھاسیں مہمان بُنجاھی وزیر وانگ ئُُ زانگ ئُُ کزبی ھیل کاری انجینئر بلیغ الرحمن اَت وھدیکہ چیئرمین ہائر ایجوکیشن کمیشن ڈاکٹر مختار احمد، ایگزیکٹو ڈائریکٹر ہائر ایجوکیشن کمیشن ڈاکٹر ارشد علی، پاکستان ئَ ایران ئِ سفیر مہدی ہنر دوست، پاکستان ئَ تاجکستان ئِ سفیر شیر علی جونونوو، ایرانی کلچرل قونصلیٹ شہاب الدین درائی، کنسلٹنٹ ہائر ایجوکیشن کمیشن ڈاکٹر محمود الحسن بٹ ئُُ پاکستان ئِ دانشگاہ آنی تہئَ فارسی زبان ئِ رھشون ئُُ نودربر آنی مزنیں کساس ئِ اے موہ ئِ سرئَ ساڑی اَت۔ کانفرنس ئِ گڈی مراگش ئَ گشتانک دیان ئَ انجینئر بلیغ الرحمن ئِ گوشگ اَت کہ فارسی زبان دود ئُُ ربیدگی یکوئی ئِ دیمروئی ئَ ارزسشتی ایں کرد ئِ پیلو کت کنت۔
