اسلام آباد۔22نومبر(اے پی پی) ملکئِ صدر ممنون حسین ئَ میجر اسحاق ئِ شہید بوھگئِ سرئَ دلپدردیئِ درشانی کتگءُ گشتگ کہ آئیئَ ناشرکاری ئَ راپروش دیئگئِ ھاترئَ شہادت ئَ را وتی کتگ۔ میجر اسحاق ئِ ملکئِ ھاترئَ قربانی مُپت نہ بنت۔ چارشمبے ئِ روچئَ یک بیانے ءِ تہا آئیئَ گشتگ کہ مئے سلاھ بندیں فوج ءُ دگہ سکیورٹی ادارگ آں ملکئِ ھاترئَ بازیں قربانی داتگ۔ آئی ئَ گشتگ کہ ملکئَ چہ ناشرکاریئَ راھلاس کنگئِ ھاترئَ سرجمیں ملک ئِ تہا ردالفساد آپریشن جاری اِنت ءُ تاں گڈی ناشرکارئِ ھالاسی ئَ اے آپریشن جاری بیت۔ ملک ئِ صدر ئَ میجر اسحاق ئِ ماتءُ پت ءُ ھاندانئِ گوما دلپدردیئِ درشانی کتگءُ شہیدئِ مزنیں درجگئِ ھاترئَ دعاکتگ۔
