قزاخستان ئِ ھال درءُ وانگءُ زانگ ئِ 7باسکی ڈل ئِ راجی ھال رسانکی ادارگ ایسوسی ایٹڈ آف پاکستان ئِ ہیڈکوارٹرز ئِ ترءُ تاب ” اے پی پی“ ئِ کوریج ءُ کارئِ کنگئِ ھوالگئَ شونشت
اے پی پی یکیں وھدئَ اُردو، انگریزی، سندھی ، بلوچی، براہوی ، پشتو، سرائیکی ءُ عربی زبانئَ ھال شنگ کنت، کشمیری ءُ چینی زباناں ھال زوت شنگ کنگ بندات بنت، منیجنگ ڈائریکٹر مسعود ملک
اسلام آباد۔22نومبر(اے پی پی ) درنیامی ایشیائی ریاست قزاخستان ئِ ھال ءُ وانگءُ زانگئِ زانت کارانی 7باسکی ڈلئَ چارشمبے ئِ روچئَ راجی ھال رسانکی ادارگ ایسوسی ایٹڈ پریس آف پاکستان ئِ ہیڈ کوارٹرز ءِ ترءُ تا ب کتگ۔ ڈل ئِ تہا باسکاں دوھیں ملک آنی درنیامئَ بازیں پڑ ھاس وانگءُ زانگ ءُ ھال درئِ تہا دونیمگی کمک ئَ را گیش کنگئِ سرئَ ھاسیں ھدوناکی پدر کتگ۔ ڈلئِ تہا قزاخستان ئِ روہتاکءُ نیوز ایجنسی ئَ گوں بندوکیں صحافی ءُ وانگءُ زانگ ئِ زانت کار ھوار بوتگ اَنت۔ ڈل ئِ تہا قزاخ میگزین ئِ چیف ایڈیٹر غابط مولد مرادودف، قزاخستان ئِ راجی ھال رسانکی ادارگئِ نمائندگ آرنوررحیم بیخوف، الفارابی مزن شاھ آمید گسئِ ڈین آف اورنٹیل سٹیڈیز ڈاکٹر بختیار پالتورے ، یوریشئین نیشنل مزن شاہ دربرجاھ ئِ پروفیسر آف اورئینٹل سٹڈیزڈاکٹرسمال تولیبائیوفءُ دگہ ھوار اَنت۔ پاکستان ئَ قزاخستان ئِ سفارت خانہ ئِ سیکنڈ سیکرٹری نورزینس آتی بائیوف ھم ڈل ئِ ھمراھ بوتگ۔ ڈل ئِ باسکاں ” اے پی پی“ ہیڈ کوارٹرز ئِ دراھیں پڑآنی ترءُ تاب کتگ، ” ا ے پی پی“ ئِ کارئِ وڈءُ پیمئِ تہا بازیں ھدوناکی درشان کنگ بوتگ ءُ اے ھوالگئَ بازیں جستءُ پُرسے کنگ بوتگ۔ ڈلئِ باسکاں منیجنگ ڈائریکٹر اے پی پی مسعود ملک ءُ ڈائریکٹر آنی گوما باز جوانیں دوستی ءُ وشیں تبءُ میلئِ گوما ” اے پی پی “ ئِ نیمگئَ چہ ھالانی شنگ کنگ ، ٹھینگءُ جوڈ کنگءُ صارفین ئَ تاں سرکنگئِ ھوالگئَ گپ ءُ تران کتگ۔ اے ترءُ تاب ئِ یک دگہ مولءُ مرادے پاکستان ءُ قزاخستان ئِ درنیامئَ بازیں پڑانی تہا کمک گیش کنگئَ ھوار دمگی ءُ میاں اوستمانی رپکئَ اے ھالانی سرئَ دلگوشی کنگ بوتگ کہ ھندی ، دمگی ءُ میاں اوستمانی ھالانی پُشدرئَ چہ باز ارزشت داراَنت۔ ڈل ئِ باسکاں پاکستانءُ قزاخستان ئِ درنیامئَ اُلسی ءُ دودءُربیدگی نزیکیاناں گیش کنگئِ ضلورت ئِ سرئَ زور پِرداتگ۔ آئیئَ ھال رسانکی ادارگئِ وسیلگئَ پاکستانی ھال در ئِ تہا وسطی ایشیائی ئِ ھوالگئَ بازیں معلومداری ئَ را گیش کنگئِ ضلورتئِ سرئَ زور پِرداتگ۔ ” اے پی پی “ ئِ ڈائریکٹر فارن اینڈ ڈپلومیٹک نیوزئَ ڈلئِ باسکاناں ”اے پی پی“ ئِ کوریج ءُ کارئِ وڈءُ پیم ئِ ھوالگئَ شونشت داتگ۔ ڈائریکٹر کوارڈی نیشن اکرم ملک ھم اے موھئِ سرئَ ساڑی بوتگ۔ ڈل ئَ را ھال دیئگ بوتگ کہ ”اے پی پی“ ءُ قزاخستان ئِ راجی ھال رسانکی ایجنسی ئِ درنیامئَ ھالانی یکے دومی ئَ را سرکنگئِ ھوالگئَ ” اے پی پی“ ئَ را قزاخستان ئِ راجی ھال رسانکی ایجنسی ئِ پسوئِ ودار اِنت۔ ڈل ئَ ھال داتگ کہ ” اے پی پی“ ئِ 34سرکاری ھال رسانکی ادارگ آنی گوما ھمےں وڈئِ منءُ گر اَست اَنت۔ ” اے پی پی“ ئِ منیجنگ ڈائریکٹر مسعود ملک ئَ ڈلئَ راھال داتگ کہ ” اے پی پی“ ملک ئِ تہاھالانی شنگ کنگئِ درساں چہ مستریں نیٹ ورک اِنت، ” اے پی پی“ ئَ چہ یکیں وھدئَ اُردو، ، انگریزی،سندھی،بلوچی،براہوی،پشتو، سرائیکیءُ عربی زبانئَ ھال شنگ بنت کشمیری ءُ چینی زبانئِ تہا ھال زوت شنگ کنگ بنت۔ آئیئَ ھال داتگ کہ اے ئَ امریکہ ، برطانیہ، چین ءُ بھارتئِ تہا ”اے پی پی“ ئِ نمائندگ است اَنت وھدے کہ بازیں بنجاھی حکومت آنی تہا ”اے پی پی“ ئِ سٹرنگرز کار کنگئَ اَنت، زوت ترکی، دبئی ، سری لنکا ءُ روس ئِ تہا جھگیر دارگ بنت۔ آئیئَ ھال داتگ کہ ملک ئِ تہا ” اے پی پی“ ئِ 09بیوروکارگس ءُ155ضلع آنی تہا نمائندگ کار کنگئَ اَنت۔ ”اے پی پی“یکیں ھال در ایجنسی اِنت کہ بازیں نیوز چینل آناں نیوز فوٹیج دنت، 2007ئَ وڈیونیوز سروس ئِ بندات ئَ تاں بہ گر تاں انو” اے پی پی “ ئَ بازیں چینل آناں 89ہزار نیوز فوٹیج داتگ، ایشی ئَ ابید وی این ایس سروس بازیں چینل آناں 721دستاویزی تامور ھم داتگ۔ آئیئَ گشتگ کہ”اے پی پی“ ئَ چہ بازیں چیمبر ءُ بیپاری ادارگ آناں بیپاری ءُ اقتصادی کارانی ھوالگئَ ھالانی پھجارینگئِ کار ھم جاری اِنت، ادارگ ئِ گورئَ وتی ڈی ایس این جی اَست کہ ھالاں تچکئَ تچک شنگ کنگئِ وسیلگ اِنت، ”اے پی پی“ ئَ انوں پائلٹ پراجیکٹ ئِ ردئَ وتی یک ویب ٹی وی بندات کتگ۔ ڈلئَ را ھال دیئگ بوتگ کہ گوستگیں سال ”اے پی پی“ ءَ وتی سوشل میڈیا سیل جوڈ کتگءُ تاں انوں ٹوئٹر ءُ فیس بک ئِ سرئَ سوشل میڈیا ئِ نیمگئَ چہ 07ہزار ئَ چہ گیشئِ ھال شنگ بوتگ اَنت۔
