اسلام آباد ۔ 22 نومبر (اے پی پی) سپریم کورٹ ئَ گچین کاری ساپ ئُُ سینگار ایکٹ 2017 ئِ ھلاپ ئَ جم کتگیں دزبندی ئِ سر ئَ رجسٹرار کارگس ئِ بُکگ آناں ھلاس کت ئُُ ایشرا گوشداری ئِ ھاترا پنت ئُُ شون کت۔ چار شمبے ئَ چیف جسٹس میاں ثاقب نثار ئَ اُلسی مسلم لیگ ئِ سوک شیخ رشید احمد ئُُ قومی اسمبلی ئِ باسک جمشید دستی ئَ ھوار بازیں مردم آنی نیمگ ئَ جم کتگیں 9دزبندی آناں گوشداری کت۔ گچین کاری ساپ ئُُ سینگاری ایکٹ 2017ئِ ھلاپ ئَ جم کتگیں توامیں دزبندی آنی سر ئَ رجسٹرار کارگس ئَ بُکگ جنان ئَ پنت ئُُ شون کت کہ دزبندی کنوک سیادی داروکیں فورم ئَ گوں نزیکی بکن اَنت۔ ایشی ئِ ھلاپ ئَ دزبندی کنوک آں چیف جسٹس ئِ چیمبر ئَ دزبندی جم کتگ اَت۔ ایشی ئِ گوشداری چیف جسٹس ئَ وتی چیمبر ئَ کت ئُُ پنت ئُُ شوندات کہ دزبندی آناں سئے کسی بنچ ئِ دیم ئَ گوشداری ئِ ھاترا پیش کنگ بہ بنت۔ آمید گس ئَ گوشت کہ اے دزبندی آناں لائک ئِ گوشداری کنگ ئِ پیسلہ پچیں آمید گس ئَ بیت۔
