راولپنڈی ۔ 22 نومبر (اے پی پی) پاک اُرد ئِ میجر اسحاق ئَ کلاچی ڈیرہ اسماعیل خان ئَ ناشرکار ی کاروائی ئِ ساھت ئَ شہید بوتگ۔ پاک اُرد ئِ شوبگ (آئی ایس پی آر) ئِ نیمگ ئَ جاڑی بوتگیں بیان ئِ رد ئَ گوستگیں روچ ئَ کلاچی ڈیرہ اسماعلی خان ئَ یک ٹھکانہ ئِ ئے سرئَ ناشرکارنی ساڑی بوھگ ئِ پد ئَ سرچ آپریشن کنگ بوت، آپریشن ئِ ساھت ئَ دو نیمگ ئَ تیر گواری مچ اِت ایشی ئَ چہ میجر اسحاق شہید بوت۔ 28سال اُمبری شہید میجر ئِ سیادی گوں خوشاب ئِ دمگ ئَ اِنت۔ شہید ئِ گس ئِ مردم آنی تہ ئَ یک جنوزامیں زال ئُُ یک سالی کسانیں زھگ ئِ یل داتگ۔ شہید ئِ نماز ئِ جنازہ ڈی آئی خان ئَ وانگ بوت۔ نماز ئِ جنازہ ئَ چیف آف آرمی سٹاف جنرل قمر جاوید باجوہ ئُُ ایندگہ ٹوھیں کارندہ آں بھر زوری کت۔ ایشی ئَ ابید آئی ایس پی آر ئِ ڈائریکٹر جنرل میجر جنرل آصف غفور ئَ شہید بوتگیں آفیسر ئَ را سلام پیش کنان ئَ گوشت کہ وطن ئِ یک دگہ دلیریں ورنا ئِ ماتیں وطن ئِ دیمپانی ئَ وتی جان ئِ کربانی ئِ داتگ۔ سوشل میڈیا ئِ ویب سائٹ ٹوییٹر ئَ جاڑی کتگیں وتی یک کلوہ ئِ ئے تہئَ میجر جنرل آصف غفور ئَ گوشت کہ ماتیں وطن ئِ دیمپانی مستریں پرز اِنت ئُُ ما ماتیں وطن ئِ دژمن آنی رکھینگ ءِ ھاترا ایشی ئِ دیمپانی ئَ جاڑی دار آں۔
