اسلام آباد ۔ 22 نومبر (اے پی پی) پیسریگیں مزن وزیر نواز شریف ئَ گوشت کہ کیاس کنوک آنی پیسلہ ئِ سبب ئَ معشیت جھل کپتگ، مئے حکومت ئَ را چین ئِ گوما کار کنگ ئَ الکاپ ئَ نیشتگ، گاڈ فارد ئُُ اطالوی مافیا ئِ گال آمید گس ئَ جلواہ نہ دینت، آمید گس آنی دو دیمی دیم ئَ پیداک اِنت، مئے ھاترا آمید گس ئِ کچ ئُُ کیل دگہ رنگ اَنت، رولز گیم دُرستانی واستہ ھمکچ بہ بنت۔ جندی ٹی وی چینلز آنی رد ئَ چار شمبے ئَ کیاسگری آمید گس ئَ پیشی ئِ موہ ئَ اھوال در آں گوں تران کنان ئَ کت پیسریگیں مزن وزیر ئَ گوشت کہ کیاس کنوک آنی پیسلہ ئِ سبب ئَ معشیت جھل ئَ کپتگ، گارڈ فادر ئُُ اطالوی مافیا ئِ گال آمید گس ئَ جلواہ نہ دینت، جج آں پانامہ ئِ مٹ ئَ ”اقامہ“ ئِ سر ئَ سزا داتگ۔ نواز شریف ئَ گوشت کہ آمید گس ئِ دو دیمی رنگ دیم ئَ سہرا بوھگ ئَ اِنت، مئے ھاترا آمید گس ئِ کچ ئُُ کیل دگر اِت ئُُ ایندگر آنی واستہ دگر اِت، باید اِنت ھمکچ ئُُ یک رنگ بہ بیت۔ پی ٹی آئی ئِ سروک عمران خان،م جہانگیر ترین ئُُ علیم خان ئِ ھلاپ ئَ کرپشن ئِ کیس است، مئے ھلاپ ئَ پیسلہ زوت کاینت، آوانی ھلاپ ئَ کیس ئِ پیسلہ کدئی کاینت۔ آئی ئِ گوشگ اَت کہ خیبر پختونخوا ئِ سر وزیر سرکاری ھرچ ئُُ درچ ئَ مچی آنی سروکی ئَ کنت۔پیسریگیں مزن وزیر ئَ گیس تران کت کہ مئے باریگ ئَ اللہ پاک ئِ فضل ئَ چہ وشھالی توان اتکگ ئُُ بے روزگاری ھتم بوتگ، ما ھرچی کہ کار تگ سرجمیں پاکستان ئَ ایشاناں تسلیم کنگ ئَ اِنت، ملک ئَ چہ ناشرکاری ئِ ھلاسی بوتگ، جی ڈی پی ریٹ کجا تاں سر بوتگ، ایشی ئِ کساس 3ئَ چہ گیش 5درسد ئَ تاں سر بوتگ، 2014ئَ چہ جاک جاڑی اِنت ئُُ اے کجام یک رنگ ئِ ئَ دیم ئَ چل اِتگ، مئے حکومت ئَ را چین ئَ گوں پجی ئَ کار کنگ ئَ نیلگ بوتگ جاک آں چہ ابید ما ڈلیور کتگ۔ اے موہ ئِ سرئَ آمید گس ئِ کوٹی ئَ اھوالکار اں چہ جست گپت کہ مرچیگیں نوک تریں اھوال چے اِنت؟ تو ساڑی بوھگ ئَ چہ شید ئُُ بید بوھگ ئَ ابید مرچی آمید گس ئِ دیم ئَ پیش بوتگ اِت۔ اے بابت ئَ جست ئِ پد ئَ نواز شریف ئَ گوشت کہ بچار اِت کہ ما چونیں چونیں زمانگ ئَ چہ گوزگ ئَ آں۔
