ملک ئِ سرڈگاری سیم سر آنی دیمپانی ئُُ میری ٹائم نپ ئُُ سیت آنی رکھینگ پاک آپی اُرد ئِ اولی ترجی اِنت، ایڈمرل ظفر محمود عباسی
اسلام آباد ۔ 21 نومبر (اے پی پی)چیف آف دی نیول سٹاف ایڈمرل ظفر محمود عباسی ئَ پاک آپی اُرد ئِ نوکیں مورچہ آنی سر ئَ ورنا آنی آپریشنل ئُُ ایندگہ تیاری آنی سر ئَ دل یکیمی ئِ درشان کتگ ئُُ گوشتگ کہ آپی سیم سر آنی دیمپانی ئُُ میری ٹائم ئِ نپ ئُُ سیت ئِ رکھینگ پاک آپی اُرد ئِ اولی ترجی اِنت۔ اے گپ آئی ئَ پاک بھارت سیم سر ئِ نزیک ئَ کریکس ایریا ئِ نوکیں مورچہ آنی سر ئَ تر ئُُ تاب ئِ موہ ئِ کت اَنت۔ پاک آپی اُرد ئِ سروک ئَ آھودے پاک میرینز ئِ دستہ آنی آپریشنل تیاری آنی چار ئُُ تپاسی زُرت۔ نیول چیف آمد ئِ پد ئَ کمانڈر کوسٹ رئیر ایڈمرل معظم الیاس ئَ آئی ئَ را وش اتک کت۔ جنوب رودراتکی سیم سر ئِ نزیک ئَ کریک ئِ دمگ ئَ برجائیں پاک میرینز ئِ نوکیں مورچہ آنی تر ئُُ تاب ئِ ساھت ئَ نیول چیف ئِ ھمک پوسٹ ئِ سر ئَ سرجمیں بریفنگ ھم دات۔ ایڈمرل ظفر محمود عباسی ئَ نوکیں مورچہ آنی سر ئَ ڈیوٹی دیوکیں ورنا آں گوں گند ئُُ نند کت ئُُ کریکس ئِ سر ئَ سنگینیں موسمی جاور آں چہ ابید ترندیں ڈیوٹی دیگ ئِ پد ئَ آوانی جزم ئَ را ساڑات۔ نیول چیف ئَ راج ئِ نیمگ ئَ داتگیں آپی سیم سر ئِ دیمپانی ئِ ارزشت ئَ را سہرا کت ئُُ بُرز ئُُ بالائیں اخلاقی ارزشت ، فٹنس ئُُ ھیل کاری ئِ جوانی ئَ را مھکم دارگ ئِ سر ئَ زور پر دات۔ امیر البحر ئَ پاک بحریہ ئِ فارورڈ پوسٹس آنی سر ئَ ڈیوٹی دیوکیں ورنا آنی آپریشنل ئُُ ایندگہ تیاری آنی بابت ئَ دل یکیمی ئِ درشان کت۔ آئی ئَ اے جزم ئِ درشان کت کہ ملک ئِ آپی سیم سر آنی دیمپانی ئُُ میری ٹائم نپ ئُُ سیت ئِ رکھینگ پاک بحریہ ئِ اولی ترجی اِنت۔
