پاکستانءُ چین دوھیں راجانی دیمروئی ئِ ھاترئَ امنءُ ایمنیں ھمساھگی ئِ وژنئَ دار اَنت، سی پیک توانائی ءُبنکی ڈھانچہ ئِ منصوبہ جات وشی ءُ وھدئِ گوما دیم ئَ رھادگ اَنت
اسلام آباد۔21نومبر(اے پی پی) پاکستانءُ چین دوھیں راجانی دیمروئی ئِ ھاترئَ امنءُ ایمنیں ھمساھگی ئِ وژنئَ دار اَنت، سی پیک توانائی ءُبنکی ڈھانچہ ئِ منصوبہ جات وشی ءُ وھدئِ گوما دیم ئَ رھادگ اَنت مزن وزیر شاہد خاقان عباسی ئِ چینی دری کارانی کمک کار کونگ چوان یوئَ گوں گندءُ نند کتگ۔ آ پاک چین سٹریٹیجک ڈائیلاگئِ ھشتمی دورئِ ھاترئَ پاکستانئِ ترءُ تابئَ اِنت۔ مزن وزیر ئَ پاکستان ءُ چین ئِ درنیامئَ مزن تک ئِ نزیکی، سی پیک، بیپار، سکیورٹی ءُ خطہ ءُ اوگانستان ئِ تہا جاورھال ئَ ھوار دونیمگی ھاسیں کارانی ھوالگئَ نزیکیں کمکئِ سرئَ سدّکی ئِ درشانی کتگءُ گشتگ کہ سی پیک توانائی ءُ بنکی ڈھانچہ ئِ ھاترئَ منصوبہ وشی ءُ وھد ئِ گوما دیمئَ رھادگ اَنت۔ چینی دری کارانی کمک کار ئَ چینی مزن وزیرئِ ھاترئَ ھاترئَ پاکستانئِ مزن وزیرئِ نیکیں واھشت سر کتگ اَنت۔ آئیئَ چین ئِ ھاترئَ آئی ئِ ھاسیں ایشوئِ سرئَ پاکستانئِ ھمراھ داری کنگئَ را ساڑاتگءُ19می سی پی سی کانگریس ئِ سوبمندی ئِ سرئَ چینی قیادتئَ رامراد بات سرئَ شگرءُمنت گپتگ۔ مزن وزیرئَ گشتگ کہ چین پاکستانئِ آئینی برات اِنت۔ آئیئَ مزن وزیر لی ئِ کلوھ ئِ شگر ءُ منت گپتگ۔ مزن وزیر ئَ انسانی دیمروئی ءُ روزگار، وانگءُزانگ ، جانءُ سلامتی ئِ ھوالگئَ منصوبہ ئَ ھوار سی پیک ئِ دراھیں منصوبہ آنی ھوالگئَ گیش گشادیں کمک ئِ سرئَ زور پِرداتگ تنکہ سی پیک ئِ پاھدگ لھس مھلوک ئَ را سربہ بنت۔
