نودربرانی کساسئِ تہا گیشی ئَ ھوار راھ دربرانی زانتکاری ئِ تہا گیشی کنگ بہ بیت، صدر ممنون حسین ئِ این سی ایچ ڈیءِ چیئرپرسن رزینہ عالم ئَ گوں گپءُ تران
اسلام آباد۔21نومبر(اے پی پی)ملکئِ صدر ممنون حسین ئِ نیشنل کمیشن برائے ہیومن ڈویلپمنٹ ئِ سالی رپورٹ 2016پیش نودربرانی کساسئِ تہا گیشی ئَ ھوار راھ دربرانی زانتکاری ئِ تہا گیشی کنگ بہ بیت، صدر ممنون حسین ئِ این سی ایچ ڈیءِ چیئرپرسن رزینہ عالم ئَ گوں گپءُ تران کتگءُ گشتگ کہ وانگءُ زانگ ئَ ھوار بازیں ہنرئِ بلدکنگئَ چہ ناوانندگیں مردماناں ر وزگارئِ پھجاری ئَ کمک رسیت۔ آئیئَ گشتگ کہ اے گپ نیشنل کمیشن برائے ہیومن ڈویلپمنٹ ئِ چیئرپرسن رزینہ عالم ئَ گوں سئے شمبے ئِ روچئَ ایوان صدر ئَ گپءُتران کنانئَ کتگ۔ صدرئَ را نیشنل کمیشن برائے ہیومن ڈویلپمنٹ ءِ سالانہ رپورٹ 2016ئِ رپورٹ پیش کتگ۔ اے موھئَ وانگءُ زانگءُ کسبی تربیتئِ بنجاھی وزیر انجینئر محمد بلیغ الرحمن ءُ دگہ حکام ھم ساڑی بوتگ اَنت۔ ملکئِ صدر ئَ کمیشن ئِ چیردستی ئَ وانگءُ زانگئِ بازیں ہنر بلد کنگئِ پروگرام آنی توسیپ کتگءُ گشتگ کہ ایشیئَ چہ ناوانندگیں مردماناں وانگءُ زانگئَ ھوا روزگار ھم رسیت۔ وانگءُ زانگءُ کسبی تریتئِ بنجاھی وزیر انجینئر محمد بلیغ الرحمن ئَ صدر ئَ را ھال داتگ کہ ملک ئِ تہا ہزارانی کساسئَ لٹریسی سینٹر فعال کنگ بوتگ اَنت۔ صدر ممون حسین ئَ کمیشن ئِ انتظامیہ ئِ سوبمندی ئِ ھاترئَ نیکیں واھشتانی درشانی کتگءُ آئیئَ را کمک ئِ اوست داتگ۔

متعلقہ مضامینمصنف کی طرف سے مزید