اسلام آباد۔21نومبر(اے پی پی) تہی کارانی بنجاھی وزیر ، منصوبہ بندی ، دیمروئی ءُ اصلاھات پروفیسر احسن اقبال ئَ گشتگ کہ پاکستانئِ تہا بوھوکیں ھپتمی یکجائی کمیٹی ئِ بندات اقتصادی راہداری ئِ ھاترئَ بُن اِشتے داریت، دراج بھریں منصوبہ دونیمگی اقتصادی کمکئَ را نوکیں رپکے ئَ چہ پجّا ر کنت، پاکستان ئِ اُلس چینی حکومت ءُ چینی اُلسئِ پاکستان ئِ ھاترئَ جوانیں جزبگ ءُ کمک ئَ را باز ارزشت دنت اقتصادی راہداری ئِ بنداتی منصوبہ وتی سرجمی ئِ ھاسیں بھرئِ تہا اَتکگ۔ اے ھیالانی درشانی آئیئَ سئے شمبے ئِ روچئَ ھپتمی یکجائی کمک کمیٹی ئِ دومی روچئِ دیوانئَ گوں تران کنانئَ کتگ۔ آئی ئَ گشتگ کہ اولی رندئَ اقتصادی ر اہداری ئِ یکجائی دیوان ئِ تہا نجی ءُ بیپاری پڑ ئَ را نمائندگی دیئگ بوتگ، آھوکیں روچاں پاکستان ءُ چین سرکاری تکئَ بیپاری ءُ ڈلاں یکے دومی ئِ ملکئَ دیم دیئگ ئِ بندوبستاں کن اَنت۔آئی ئَ گشتگ کہ پاکستانئِ حکومت دیمروئی ئِ عملئِ تہا زندئِ بازیںتکءُ پھناتے ئَ را ھم گام کنگئِ پالیسی ئِ سرئَ عمل کنگئَ اِنت، اقتصادی راہداری ئِ انوگیں انتظامی ڈھانچہ ءُ کمک ئَ را گیش پراھءُ شاھگان کنگئِ ضلورت اِنت۔ احسن اقبال ئَ گشتگ کہ اقتصادی راہداری ئِ فریم ورک ئِ تہا انفراسٹرکچر ، توانائی ئَ ھوار سماجی پڑ، وانگءُ زانگءُ جانءُ سلامتی ئَ راھم ھوار کنگ بوھگئَ اِنت، گوادر ئِ منصوبہ آھودے اُلسئِ ھاترئَ ملکی دیمروئی ئِ ھاترئَ بازیں ارزشتے داریت۔ آئیئَ گشتگ کہ توانائی ئِ بازیں منصوبہ سوبمندی ئِ گوما سرجمی ئِ نیمگئَ رھادگ اَنت، اقتصادی راہداری ئِ یکجائی کمیٹی ئِ دیوان ئَ پد صنعتی کمک ئِ بھرئِ تہا تچکئَ تچک بندات کنگ بیت، صنعتی کمک ئِ تہا پاکستانئِ تہا ٹیکنالوجی ، مہارت ءُ علم ءُ زانتئَ را گیش کنگ بہ بیت۔ آئیئَ گشتگ کہ سی پیک پاکستان ئِ تہا علم ئِ سرئَ جوڈ بوتگیں معیشت ئَ را گیش کنگئَ کمک دنت۔
