اسلام آباد۔21نومبر(اے پی پی) شاہ آمید گس ئَ فیض آباد دھرنا ئِ نوٹس زُرتگ، دیمپانی ئِ سیکرٹری ءُ تہی کارانی سیکرٹری ئَ چہ مُچ رپورٹ لوٹ اِتگ ءُ گشتگ کہ آمید گسئَ را ھال دیئگ بہ بیت کہ اُلسئِ بنکی ھکانی پلگارگئِ ھاترئَ حکومتئَ چے گامیگج چست کتگ۔ شاہ آمید گس ئَ اے نوٹس سئے شمبے ءِ روچئَ یک کیس ئِ گوشدارگئِ وھدئَ زُرتگ کہ آئی ئِ تہا وکیل ابراہیم ستی ئَ آمید گسئَ را گشتگ کہ آ دھرنا ئِ سوبئَ کیس ئِ تیاری کُت نہ کتگ ھمے ھاترئَ کیس ئِ گوشدارگ مھتل کنگ بہ بیت۔ جسٹس فائز عیسیٰ ئَ دھرنا ئِ نوٹس زُرتگءُدیمپانی ئِ سیکرٹری ءُ تہی کارانی سیکرٹری ئَ چہ مُچ رپورٹ لوٹ اِتگ۔ آمید گسئَ آئی جی پولیس پنجاب، آئی جی پولیس اسلام آباد ءُ اٹارنی جنرل ئَ را نوٹس جاری کتگ۔ آمید گسئَ ریمارکس داتگ کہ کجام شریعت مردمانی کشک ئِ بند کنگئِ اجازتئَ دنت۔
