اسلام آباد۔20نومبر(اے پی پی ) اسلام آباد۔ توانائی (پٹرولیم ڈویژن) ئِ ملکی وزیر جام کمال خانئَ گشتگ کہ قلات ڈویژن ئِ تہا گیس ئِ کمی ئَ را گیشءُ گیواری کنگئِ ھاترئَ گامگیج چست کنگئَ اَنت۔ سئے منصوبہ آنی سرئَ گوازوکیں سال ئَ کار بندات بیت۔ دوشمبے ئِ روچئَ ایوان بالا ئِ تہا سینیٹر میر کبیر شاہی ئِ جستئِ پسو داتگءُ آئی ئَ گشتگ کہ قلات ڈویژن ءُ بلوچستان ئِ دگہ دمگانی تہا گیس ئِ پھجارینگ ئِ کار بوھگئَ اِنت۔ شکارپور ئَ چہ مین لائن کوئٹہ ئِ نیمگئَ چہ کیئت، ایشی ئِ تہا گیشی کنگ نہ بوتگ۔ اولی رندئَ 34کلومیٹر دراج پائپ لائنئِ سرئَ کار بندات کنگ بوتگ، انشاءاللہ دیمئِ ماھئَ ایشی ئِ سرئَ پرک کیئت۔ ایشی ئَ ابید سبی ءُ شکار پورئِ نیمگئَ چہ ھم پائپ لائن ئِ تہا بہتری کنگ بوھگئَ اِنت کہ 2018ئَ سرجم کنگ بیت۔ دسمبر2018ئَ سئے کلومیٹر ئِ 12انچ پائپ لائن ئِ ری روٹنگ ءِ یک پلان اِت تنکہ سسٹم ئَ را گہتر کنگ بہ بیت۔
