مزن وزیر ئِ کرا سرجمیں اختیار است، اسحاق ڈار ئُُ زاہد حامد ئِ استعفیٰ ئِ لو ٹ وت ساچ اِنت
لاہور۔ 20 نومبر (اے پی پی) اٹارنی جنرل آف پاکستان اشتر اوصاف علی ئَ گوشت کہ مزن وزیر ئَ را سرجمیں اختیار است ئُُ آ کس ئِ اشارگ ئِ سر ئَ کار کنگ ئَ نہ انت مزن وزیر ئُُ کابینہ ئِ سپارش ئَ چہ بالا اِنت، سی پیک ئِ منصوبگ ئِ سر ئَ مھتلی ئَ چہ چین ئِ تہئَ بے چینی گندگ بوھگ ئَ اِنتت، اورنج ٹرین منصوبگ ئِ تہ ئَ مھتلی ئِ سبب ئَ ایشی ئِ ھرچ ئُُ درچ ئِ تہئَ گیشی اتکگ۔ دوشمبے ئَ ادا میڈیا ئَ گوں تران کنان ئَ اشتراوصاف علی ئَ گوشت کہ لس گچین کاری وھد ئِ سر ئَ نہ بوت اَنت گڈا نوکیں حلقہ بندی ئَ چہ پیسر کنگ بوت گڈا ایشی ئِ کانودی بستار اِچ نہ بیت۔ آئی ئَ گوشت کہ اسمبلی ئِ پروشگ یا کس ئے ئِ سزا آناں ماپ کنگ ئَ صدر ئِ مملکت ئِ کرد گیشینتگ اِنت۔ آئی ئَ گوشت کہ ختم ئِ نبوت ئِ ”شقیں“ آنی بحالی ئَ چہ جاک ایمنیں رنگ ئَ ھلاس بہ بیت۔
