اسلام آباد۔ 20 نومبر (اے پی پی) وزیر مملکت برائے انفارمیشن ٹیکنالوجی انوشہ رحمن ئِ سروکی ئَ یونیورسل سروسز فنڈ کمپنی ئِ 55 پنجاھ ئُُ پنچمی بورڈ آف ڈائریکٹرز ئِ دیوان دوشمبے ءَ وزارت ئِ آئی ٹی ئَ برجم دارگ بوت۔ دیوان ئَ ملک ئَ چہ دور ئُُ گستائیں دمگ آنی ٹیلی کمیونیکیشن ئِ آسراتی ئِ ھوالگ ئَ چار ئُُ تپاسی گرگ بوت۔ دیوان ئَ اے دمگ آنی تہ ئَ ٹیلی کام ئِ آسراتی ئِ پُجاری ئِ واستہ یونیورسل سروسز فنڈ کمپنی ئِ اِزمت آنی سر ئَ چار ئُُ تپاسی گرگ بوت۔ دیوان ئِ بھر زوروکیں مردم آناں گوشگ بوت کہ حکومت ئَ اسلام آباد ئِ زالبول آنی وانگ ئُُ زنگ جاھ آناں 226کمپیوٹر لیبارٹی برجا کتگ اَنت ئُُ یک ھاسیں منصوبگ ئِ برجا کنگ بوھگ ئَ انت ایشی ئِ چیر دستی ءَ صنعت آں گوں بندوکیں کاریگر آناں آن لائن تجارت ئِ ھیل کاری دیگ بیت۔ دیوان ئَ باجوڑم مہمند ایجنسی ئپُ مالاکنڈ ئَ براڈ بینڈ ئِ آسراتی ئِ پُجارینگ ئِ ھاترا ٹیلی نار پاکستان لیمیٹڈ ئَ را کامیاتیں بولی دھندہ ئِ ھوالگ ئَ ھم چار ئُُ تپاسی گرگ بوت۔ اے منصوبگ ئَ 684بُن گپ 15لکھ 99ھزار 500ئِ نزیک مردم آناں آسراتی دیگ بیت۔ اے ھوالگ ئَ ڈی آئی خان ئُُ ٹانک ئِ دمگ آنی ھاترا یک دگہ منصوبگ ئِ واستہ ٹیلی نار پاکستان ئَ را کامیاتیں بولی ئِ سر ئَ ھم ھیال داری گرگ بوت ایشی ئَ چہ 6لکھ 93ھزار مردم نپ چست کت کن اَنت۔ اے موہ ئِ سر ئَ اے ھم پیلسہ کنگ بوت کہ گوریچانی وزیرستان ئِ دمگ ئَ انٹرنیٹ ئِ آسراتی ئِ بابت ئَ بورڈ ئَ زوت منصوبگ پیش کنگ بیت۔
